কংগনা ৰানাৱতৰ ১ লাখ টকাৰ বিদ্যুৎ বিলৰ দাবীক সস্তিয়া প্ৰচাৰ চেষ্টা আখ্য কংগ্ৰেছৰ

বিজেপি সাংসদ তথা অভিনেত্ৰী কংগনা ৰানাৱতে হিমাচল প্ৰদেশৰ মানালীস্থিত তেওঁৰ খালী ঘৰৰ বাবে ১ লাখ টকাৰ বিদ্যুৎ বিল পোৱাৰ অভিযোগ উত্থাপন কৰিছে। তেওঁৰ এই মন্তব্যক কংগ্ৰেছে অনুপযুক্ত আৰু দায়িত্বহীন বুলি সমালোচনা কৰি এই অভিযোগ নাকচ কৰিছে। সস্তিয়া প্ৰচাৰ চেষ্টা আখ্য দিছে  কংগ্ৰেছে

মাণ্ডিৰ এখন সভাত কংগনাই কংগ্ৰেছ শাসিত হিমাচল প্ৰদেশৰ প্ৰশাসনক সমালোচনা কৰি কয় যে কংগ্ৰেছে এনে দুৰ্দশাৰ সৃষ্টি কৰিছে। এই মাহত মোৰ খালী ঘৰৰ বাবে ১ লাখ টকাৰ বিদ্যুৎ বিল আহিছে। পৰিস্থিতিৰ ভয়াবহতা কল্পনা কৰক। তেওঁ প্ৰশাসনৰ ব্যৰ্থতা আৰু আৰ্থিক অনিয়মৰ অভিযোগ উত্থাপন কৰিছে

হিমাচল প্ৰদেশ কংগ্ৰেছে তৎক্ষণাৎ প্ৰতিক্ৰিয়া প্ৰকাশ কৰি কংগনাৰ দাবীক সস্তিয়া প্ৰচাৰৰ চেষ্টা বুলি উল্লেখ কৰে। তেওঁলোকে কয়  যে সাংসদ হিচাপে তেওঁৰ দায়িত্ব আছে আৰু ৰাজহুৱা অভিযোগৰ পৰিৱৰ্তে চৰকাৰী মাধ্যমেৰে সমস্যা সমাধান কৰা উচিত। কংগ্ৰেছে স্পষ্টভাবে কয় যে তেওঁৰ বিৰুদ্ধে কোনো ইচ্ছাকৃত ব্যৱস্থা লোৱা হোৱা নাই।

ইফালে মঙলবাৰে এক সাক্ষাৎকাৰত কংগনাই কংগ্ৰেছৰ শাসনত হিমাচলৰ অৱস্থাক শোচনীয় বুলি মত প্ৰকাশ কৰে। তেওঁ লগতে কয় যে দেশজুৰি মোদী আৰু গেৰুৱা ঢৌ উঠিছে, কিন্তু হিমাচলৰ অৱস্থা বেদনাদায়ক। ৰাজ্যখনক প্ৰগতিৰ পথত লৈ যোৱা আমাৰ দায়িত্ব। তেওঁলোক পহুৰ দৰে, আমি ৰাজ্যক মুক্ত কৰিব লাগিব বুলি মন্তব্য কৰে।

কংগ্ৰেছ নেতা মুমতাজ পেটেলে কংগনাৰ এই মন্তব্যক তীব্ৰ সমালোচনা কৰি কয় যে তেওঁ চিন্তা নকৰাকৈ কথা কয় আৰু তেওঁৰ মুখেৰে গুলি চলোৱাৰ সমস্যা আছে বুলি কটাক্ষ কৰে।