আজি ঘোষিত উচ্চতৰ মাধ্যমিকৰ চূড়ান্ত বৰ্ষৰ কলা শাখাৰ ফলাফলত ৰাজ্যৰ ভিতৰতে দ্বিতীয় স্থান লাভ কৰি সত্ৰনগৰী বৰপেটালৈ গৌৰৱ কঢ়িয়াই আনিলে কাশ্মিৰী দাসে ৷
বৰপেটা চহৰৰ ব্যক্তিগত খণ্ডৰ শিক্ষানুষ্ঠান আম্বেদকাৰ একাডেমীৰ ছাত্ৰী কাশ্মিৰী দাসে ইংৰাজীত ৯২,অসমীয়াত ৯৭, নৃতত্বত ৯৬, ৰাজনীতি বিজ্ঞানত ৯৭, অৰ্থনীতি বিষয়ত ৯৫ আৰু শিক্ষা বিষয়ত ৯০ নম্বৰসহ সৰ্বমুঠ ৪৭৭ নম্বৰ লাভ কৰে ৷
বৰপেটা চহৰৰ জনীয়া ৰোড,মেটুৱাকুছি নিবাসী যাদৱ দাস আৰু প্ৰণীতা দাসৰ জীয়ৰী কাশ্মিৰী দাসে সদ্যহতে কটন মহাবিদ্যালয়ত অৰ্থনীতি বিভাগত নামভৰ্তি কৰি অধ্যয়ন কৰিব ৷
ভবিষ্যতে এগৰাকী প্ৰৱক্তা হোৱাৰ ইচ্ছা আছে কাশ্মিৰী দাসৰ ৷
আজৰি পৰত ৰন্ধাবঢ়া কৰি আৰু গীত শুনি ভাল পায় বুলি জানিবলৈ দিয়ে কাশ্মিৰী দাসে ৷