সঁচাকৈয়ে পুনৰ প্ৰেমত পৰিছে নেকি কানাডাৰ প্ৰাক্তন প্ৰধানমন্ত্ৰী জাষ্টিন ট্ৰুডো? এই প্ৰশ্ন বৰ্তমান সমগ্ৰ বিশ্বতে চৰ্চিত হৈ পৰিছে। শেহতীয়াকৈ কেলিফৰ্ণিয়াৰ চান্টা বাৰ্বাৰাত এখন বিলাসী ইয়টত ট্ৰুডো আৰু গায়িকা কেটি পেৰীৰ এখন ছবি ছ’চিয়েল মিডিয়াত ভাইৰেল হৈ পৰিছে, যিয়ে তেওঁলোকৰ ডেটিংৰ খবৰটো আৰু অধিক নিশ্চিত কৰি তুলিছিল।
ছবিবোৰত চাৰ্টবিহীন ট্ৰুডোৱে ডেনিম জিন্স পিন্ধি ক’লা ছুইমিং চুট পিন্ধা কেটি পেৰীক চুম্বন কৰি থকা দেখা গৈছে। দুয়োজনে ইজনে সিজনক নিবিড়ভাৱে সাৱটি ধৰাও দেখা যায়।
জুলাইৰ আৰম্ভণিতে মন্ট্ৰিয়েলত প্ৰথমবাৰৰ বাবে অন্তৰংগ ডিনাৰ ডেটত যুটিটোক দেখা পোৱাৰ পিছতে তেওঁলোকৰ সম্পৰ্কৰ গুঞ্জন আৰম্ভ হৈছিল। অৱশ্যে সেই সময়ত কেমেৰাত ধৰা পৰাত ট্ৰুডোক অলপ অস্বস্তিবোধ কৰা যেন লাগিছিল। অৱশ্যে শেহতীয়া চুম্বনৰত ফটোবোৰে যেন সকলো জল্পনা-কল্পনাৰ অন্ত পেলাইছে।
এজন প্ৰত্যক্ষদৰ্শীয়ে কয় যে তেওঁ এখন সৰু নাওত ইয়টখনৰ কাষেৰে পাৰ হৈ যোৱাৰ সময়ত কেমেৰাত সেই দৃশ্যটো ধৰি ৰাখিছিল। প্ৰথমতে তেওঁ ট্ৰুডোক চিনি পোৱা নাছিল। পিছত ট্ৰুডোৰ বাহুত থকা টেটুৰ দ্বাৰা তেওঁক চিনাক্ত কৰে। অৱশ্যে কেটি পেৰী বা জাষ্টিন ট্ৰুডো কোনোৱে ডেটিংৰ বিষয়ে কোনো মন্তব্য কৰা নাই।
২০২৩ চনৰ আগষ্ট মাহত জাষ্টিন ট্ৰুডোৱে পত্নী ছফী গ্ৰেগ’ৰৰ পৰা বিচ্ছেদৰ কথা ঘোষণা কৰি তেওঁলোকৰ ১৮ বছৰীয়া বিবাহৰ অন্ত পেলায়। তেওঁলোকৰ একেলগে তিনিটা সন্তান আছে—জেভিয়াৰ (১৭), এলা-গ্ৰেছ (১৬) আৰু হেড্ৰিয়ান (১১)।
আনহাতে, কেটি পেৰীয়ে ইয়াৰ পূৰ্বে অভিনেতা অৰলেণ্ডো ব্লুমৰ সৈতে প্ৰায় সাত বছৰ ধৰি ডেটিং কৰিছিল আৰু তেওঁৰ এংগেজমেণ্ট হোৱা বুলিও জানিব পৰা গৈছিল। তেওঁলোকৰ এগৰাকী কন্যা ডেইজী ড’ভ।
