উন্নয়নৰ ক্ষেত্ৰত দেশৰ ভিতৰতে শীৰ্ষ স্থান দখল কৰা বাঁওপন্থী শাসিত ৰাজ্য কেৰালাই আন এক চমক দিবলৈ সাজু হৈছে।
স্থানীয় স্ব-শাসিত সংস্থাসমূহত অজৈৱ আৱৰ্জনা সংগ্ৰহৰ ব্যৱস্থা উন্নত কৰাৰ বাবে এটা মোবাইল এপ্লিকেশ্যন আৰম্ভ কৰিব কেৰালা চৰকাৰে। স্মাৰ্ট আৱৰ্জনা সংগ্ৰহৰ মোবাইল এপটো আৰম্ভণিতে ছয়খন পৌৰ নিগম, ৭০ পৌৰসভা আৰু ৩০০ খন গাওঁ সংস্থাত মুকলি কৰা হ’ব।
স্থানীয় স্ব-চৰকাৰ বিভাগৰ মন্ত্ৰী এম ভি গোবিন্দন মাষ্টাৰে কয় যে আঁচনিখনে আৱৰ্জনা নিষ্কাশন অধিক কাৰ্যকৰী কৰি তুলিব। প্ৰতিটো পৰিয়ালৰ পৰা সংগ্ৰহ কৰা অজৈৱ আৱৰ্জনাৰ পৰিমাণ নিৰীক্ষণ কৰিবলৈ আৰু আৱৰ্জনাবোৰ কেনেদৰে শোধন কৰিব লাগিব বৰ্ণনা কৰিবলৈ এপটো ব্যৱহাৰ কৰা হ’ব।
সকলো পৰিয়ালক প্ৰদান কৰা QR কোডবোৰ উৎপন্ন হোৱা আৱৰ্জনাৰ বিৱৰণ প্ৰাপ্ত কৰিবলৈ ব্যৱহাৰ কৰা হ’ব বুলি তেওঁ লগতে কয়।
এই প্ৰণালীয়ে সকলো স্থানীয় সংস্থা আৰু বিভাগক আৱৰ্জনা সংগ্ৰহ অনুসৰণ কৰিবলৈ সক্ষম কৰিব, যিটো ৰাজ্যৰ দৰিদ্ৰতা দূৰীকৰণ আৰু মহিলা সবলীকৰণ কাৰ্যসূচী ‘কুদুম্বাশ্ৰী মিছন’ৰ স্বেচ্ছাসেৱকসকলৰ দ্বাৰা কৰা হ’ব।
মন্ত্ৰীগৰাকীয়ে কয় যে হৰিতা কৰ্মসেনা নামেৰে জনাজাত স্বেচ্ছাসেৱকসকলক প্ৰকল্পটোৰ অংশ হিচাপে স্মাৰ্টফোন প্ৰদান কৰা হ’ব। তেওঁলোকক কেৰালা ৰাজ্যিক ইলেক্ট্ৰনিক্স উন্নয়ন নিগমে সমৰ্থন কৰিব।
