অৰুণাচল প্ৰদেশৰ ৰাজধানী ইটানগৰত স্থায়ী বাসিন্দাৰ প্ৰমাণ পত্ৰক কেন্দ্ৰ কৰি চলি থকা হিংসাত্মক ঘটনাৰ আঁৰত কংগ্ৰেছৰ হাত থকা বুলি আজি বিজেপিয়ে অভিযোগ আনিছে। ইটানগৰত বৰ্তমান হিংসাত্মক ঘটনাৰ ফলত পৰিস্থিতি নিয়ন্ত্ৰণৰ বাহিৰলৈ গৈছে।
কেন্দ্ৰীয় গৃহ মন্ত্ৰী কিৰেন ৰিজিজুৱে দেওবাৰে প্ৰকাশ কৰা এটা ভিডিঅ’ত দেখা গৈছে যে কংগ্ৰেছৰ ৰাজ্যিক সভাপতি টাকাম সঞ্জয়ে অৰুণাচল প্ৰদেশৰ খিলঞ্জীয়া লোকক নহয়, ৰাজ্যখনত আইনসংগতভাৱে বসবাস কৰি থকা লোকসকলক পি আৰ চি দিয়াটোক সমৰ্থন কৰা দেখা গৈছে।
Congress Party supported & instigated Non-APSTs in Lekang to fight for PRC but in Itanagar misguided the innocent people. From the beginning I've strongly urged State Govt not to grant PRC unless people are convinced of full protection of indigenous rights. We must stand united. https://t.co/p07yjtaDSc
— Kiren Rijiju (@KirenRijiju) February 24, 2019
ৰিজিজুৱে টুইটাৰযোগে হিংসাত্মক ঘটনাসমূহক কংগ্ৰেছে উৎসাহিত কৰা বুলি অভিযোগ কৰি কৈছে যে তেওঁ সদায় পি আৰ চিৰ বিৰোধী। তেওঁ কয় যে কংগ্ৰেছে জিলাখনত আৰু ৰাজধানীখনৰ ভিন্ন স্থানত ভিন্ন স্থিতি গ্ৰহণ কৰিছে।
ৰিজিজুৱে প্ৰতিবাদটোক কংগ্ৰেছে সমৰ্থন দিয়া বুলি দাবী কৰি কংগ্ৰেছৰ ৰাজ্যিক সভাপতি টাকাম সঞ্জয় হিংসাত্মক প্ৰতিবাদৰ আঁৰত থকা বুলি সন্দেহ ব্যক্ত কৰিছে।
ইপিনে,অৰুণাচলৰ ঘটনা সন্দৰ্ভত আনকি নিখিল ভাৰত কংগ্ৰেছ সভাপতি ৰাহুল গান্ধীয়েও টুইট কৰিছে।কংগ্ৰেছ সভাপতি ৰাহুল গান্ধীয়ে অৰুণাচল প্ৰদেশৰ কংগ্ৰেছ নেতৃবৃন্দক ৰাজ্যখনৰ পৰিস্থিতি সম্পৰ্কে বুজ লোৱাৰ বাবে মাতি পঠিয়াইছে।
আনহাতে, মুখ্য মন্ত্ৰী পেমা খাণ্ডুৱে সকলো পক্ষকে শান্ত হোৱাৰ বাবে আহ্বান জনাইছে আৰু ৰাজ্যখনৰ খিলঞ্জীয়া জনসাধাৰণৰ ক্ষতি হ’ব পৰা কোনো সিদ্ধান্ত গ্ৰহণ নকৰে বুলি প্ৰতিশ্ৰুতি দিছে।