মানুহৰ শৰীৰৰ আটাইতকৈ গুৰুত্বপূৰ্ণ অংগসমূহৰ ভিতৰত অন্যতম হৈছে হৃদযন্ত্ৰ। হৃদযন্ত্ৰৰ সুস্থতা শৰীৰৰ সামগ্ৰিক সুস্থতাৰ বাবে অতি প্রয়োজনীয়। সম্প্ৰতি হৃদযন্ত্ৰৰ অসুস্থতা বিশ্বজুৰি মৃত্যুৰ এক অন্যতম কাৰণ হৈ পৰিছে। সেয়ে, হৃদযন্ত্ৰ সুস্থ কৰি ৰখটো অতি গুৰুত্বপূৰ্ণ। হৃদযন্ত্ৰৰ যতন ল’বৰ বাবে প্ৰয়োজনীয় কিছুমান দিশ এনেধৰণৰ-
সুষম আৰু পুষ্টিকৰ আহাৰ
হৃদযন্ত্ৰৰ সুস্থতা ৰক্ষা কৰাৰ বাবে সুষম আৰু পুষ্টিকৰ আহাৰ গ্ৰহণ কৰাটো অতি প্রয়োজনীয়-
সেউজীয়া শাক-পাচলি: শাক-পাচলিত প্ৰচুৰ পৰিমাণে ভিটামিন, মিনেৰেল আৰু এন্টিঅক্সিডেণ্ট থাকে যিয়ে হৃদ ৰোগৰ পৰা ৰক্ষা কৰে।
ফলমূল: ফলমূলত থকা ফাইবেৰ, ভিটামিন আৰু এন্টিঅক্সিডেণ্টে হৃদয়ৰ স্বাস্থ্য ৰক্ষাত সহায় কৰে।
গোটা শস্য: অটছ, ব্ৰাউন ৰাইছ, যৱ আদি গোটা শস্য হৃদযন্ত্ৰৰ বাবে উপকাৰী।
স্বাস্থ্যকৰ চৰ্বি: অলিভ অয়েল, আভাকাডো, বাদাম আদিত থকা চৰ্বি হৃদযন্ত্ৰৰ বাবে উপকাৰী।
নিয়মীয়া শাৰীৰিক কাৰ্যকলাপ
নিয়মীয়া শাৰীৰিক কাৰ্যকলাপ হৃদযন্ত্ৰৰ সুস্থ ৰক্ষাৰ বাবে অতি প্রয়োজনীয়। ব্যায়ামে হৃদযন্ত্ৰৰ পেশী শক্তিশালী কৰে, ৰক্তচাপ নিয়ন্ত্ৰণ কৰে, ক’লেষ্টেৰলৰ মাত্ৰা কমায় আৰু শৰীৰৰ ওজন নিয়ন্ত্ৰণতো সহায় কৰে। প্ৰতিদিনে কমেও ৩০ মিনিটৰ বাবে মধ্যমীয়া শাৰীৰিক কাৰ্যকলাপ যেনে খোজ কঢ়া, জগিং, সাতুৰা বা সাইকেল চলোৱা আদি কৰিব লাগে।
ধূমপান আৰু মদ্যপান ত্যাগ
ধূমপান হৃদ ৰোগৰ এক প্ৰধান কাৰণ। ধূমপানে ৰক্তনলীসমূহ সংকুচিত কৰে আৰু হৃদযন্ত্ৰৰ কাৰ্যক্ষমতা হ্ৰাস কৰে। গতিকে হৃদযন্ত্ৰৰ সুৰক্ষা কৰাৰ বাবে ধূমপান সম্পূৰ্ণৰূপে ত্যাগ কৰিব লাগে। একেদৰে, অতিমাত্ৰা মদ্যপানো হৃদযন্ত্ৰৰ বাবে ক্ষতিকাৰক। সেয়ে মদ্যপানৰ পৰিমাণো নিয়ন্ত্ৰণ কৰিব লাগে।
মানসিক চাপ নিয়ন্ত্ৰণ
মানসিক চাপেও হৃদযন্ত্ৰৰ ওপৰত গুৰুত্বপূৰ্ণ প্ৰভাৱ পেলায়। দীৰ্ঘদিনীয়া মানসিক চাপে ৰক্তচাপ বৃদ্ধি কৰে আৰু হৃদয়ৰ ৰোগৰ সম্ভাৱনাও বৃদ্ধি কৰে। গতিকে মানসিক চাপ নিয়ন্ত্ৰণ কৰাটো অতি প্রয়োজনীয়। ধ্যান, যোগাভ্যাস,ব্যায়াম আদিৰ দ্বাৰা মানসিক চাপ নিয়ন্ত্ৰণ কৰিব পাৰি।
নিয়মীয়া স্বাস্থ্য পৰীক্ষা
হৃদযন্ত্ৰৰ সুস্থ ৰাখিবৰ বাবে নিয়মীয়া স্বাস্থ্য পৰীক্ষা কৰাটো অতি প্রয়োজনীয়। ৰক্তচাপ, ক’লেষ্টেৰলৰ মাত্ৰা, ৰক্তৰ শৰ্কৰাৰ মাত্ৰা আদি নিয়মীয়া পৰীক্ষা কৰি হৃদযন্ত্ৰৰ অৱস্থাৰ বিষয়ে জানিব পাৰি। চিকিৎসকৰ পৰামৰ্শ অনুসৰি প্রয়োজনীয় চিকিৎসা আৰু জীৱনশৈলী পৰিৱৰ্তন কৰিব লাগে।
ওজন নিয়ন্ত্ৰণ
অতিমাত্ৰা ওজনো হৃদযন্ত্ৰৰ ৰোগৰ এক প্ৰধান কাৰণ। ওজন বৃদ্ধিৰ লগে লগে হৃদযন্ত্ৰৰ ওপৰতো চাপ বৃদ্ধি হয় আৰু ৰক্তচাপ, ক’লেষ্টেৰল আদিৰ সমস্যাই দেখা দিয়ে। গতিকে সুস্থ হৃদযন্ত্ৰৰ বাবে শৰীৰৰ ওজন নিয়ন্ত্ৰণ কৰাটো অতি প্রয়োজনীয়।
পৰ্যাপ্ত পৰিমাণৰ টোপনি
টোপনিও হৃদযন্ত্ৰৰ বাবে অতি প্রয়োজনীয়। পৰ্যাপ্ত পৰিমাণৰ টোপনি নহ’লেও ৰক্তচাপ বৃদ্ধি পায় আৰু হৃদ ৰোগৰ সম্ভাৱনা বৃদ্ধি পায়। প্ৰতিদিনে কমেও ৭-৮ ঘণ্টা টোপনি হৃদযন্ত্ৰৰ বাবে প্রয়োজন।
গতিকে হৃদয়ৰ স্বাস্থ্যৰ প্ৰতি সদসচেতন হোৱা আৰু প্রয়োজনীয় ব্যৱস্থা গ্ৰহণ কৰাটো অতি প্রয়োজন।
