আমি ওজন কমাবলৈ বিভিন্ন ডায়েট প্লেন মানি চলোঁ। বহুতে স্বাস্থ্যসন্মত খাদ্য খাই দিনটো আৰম্ভ কৰে। দিনটো আগবাঢ়ি যোৱাৰ লগে লগে মানুহে অধিক কেলৰি সমৃদ্ধ, মিঠা খাদ্য খাবলৈ আৰম্ভ কৰে। বেছিভাগ মানুহেই নিশাৰ আহাৰত অস্বাস্থ্যকৰ খাদ্য খায়। অতিমাত্ৰা খাদ্য খোৱাৰ ফলত ওজন কমাবলৈ অসুবিধা হয়। ইয়াত আপুনি খাদ্য খোৱাৰ সময়ত ওজন কমাবলৈ কৰিব পৰা কেইটামান কামৰ বিষয়ে কোৱা হৈছে।
• ওজন কমাবলৈ কেলৰিৰ সীমা নিৰ্ধাৰণ কৰিব লাগে। ৰাতি দুগৰাহ কমকৈ খাওক। অতিমাত্ৰা খাব নালাগে। যিমান পাৰি পুষ্টিকৰ আৰু লঘু আহাৰ গ্ৰহণ কৰক।
• ৰন্ধা-বঢ়া কৰাৰ সময়ত ব্যৱহাৰ কৰা তেলৰ কেলৰিৰ পৰিমাণ পৰীক্ষা কৰক। দুপৰীয়া আৰু ৰাতিৰ আহাৰত ভজা খাদ্য বেছিকৈ খালে কেতিয়াও ওজন কমি নাযায়। অলিভ অইল হওক, নাৰিকল তেল হওক বা আন যিকোনো তেলেই হওক, খাদ্যত তেলৰ পৰিমাণ কম ৰাখিব লাগে।
• দুপৰীয়া আৰু ৰাতিৰ আহাৰ গ্ৰহণৰ মাজত আমি কি আৰু কিমান খাওঁ তাৰ প্ৰভাৱ আমাৰ ওজনৰ ওপৰত পৰে। দুপৰীয়াৰ আহাৰ আৰু ৰাতিৰ আহাৰত মাজত বেছি সময় ল’লে ভোক বৃদ্ধিৰ বাবে ৰাতি বেছিকৈ খাবলৈ আৰম্ভ কৰিব। গতিকে সন্ধিয়া সময়ত সময়মতে আহাৰ খাওক।
• বহু সময়ত মানুহে খোৱাপানীৰ গুৰুত্ব বুজি নাপায়। পানীয়ে আমাক কেৱল হাইড্ৰেইড কৰি ৰখাই নহয়, ই আমাক ৰোগৰ পৰা আঁতৰি থাকিবলৈ আৰু কম খাদ্য খোৱাতো সহায় কৰে। খাদ্য খোৱাৰ ৩০ মিনিট আগতে এগিলাচ পানী খাব লাগে।
• খাদ্য সদায় শান্ত মনেৰে খাব লাগে। খোৱাৰ সময়ত কেতিয়াও টিভি নাচাব। ফলত আমাৰ পেটটো কেতিয়া ভৰি পৰে গম নাপাও আৰু শেষত প্ৰয়োজনতকৈ বেছি খাদ্য খাই পেলোৱা হয়। সাৱধানে খাদ্য গ্ৰহণ কৰিলে কেলৰি গ্ৰহণ নিয়ন্ত্ৰণ কৰিব পাৰি।
• শুবলৈ যোৱাৰ ২ ঘণ্টা আগতে ৰাতিৰ আহাৰ শেষ কৰক। যদি আপোনাৰ ওজন কমাব লাগে তেন্তে নিয়মীয়াকৈ সন্ধিয়া ৭ বজাৰ ভিতৰত আহাৰ খাওক আৰু তাৰ পিছত সময় লৈ শুই যাওক। দেৰিকৈ খাদ্য খোৱাৰ পিছত শুবলৈ গ’লে ওজন কমি নাযায়।
• এক অধ্যয়নত দেখা গৈছে যে আলু খোৱাটোৱে আন কাৰ্বহাইড্ৰেটতকৈ পেট অধিক ভৰপূৰ কৰে। আলু খালে মোটা হ’ব পাৰে বুলি এটা ভুল ধাৰণা আছে। বৰঞ্চ ইয়াত প্ৰচুৰ পৰিমাণে আঁহ আৰু ভাল মানৰ কাৰ্বহাইড্ৰেট থাকে। মাত্ৰ কমকৈ খাব লাগে।
