বিভিন্ন সময়ত বিভিন্ন প্ৰশ্ন মনলৈ আহে, কৌতুহলৰ সৃষ্টি হয়। কিন্তু আজিকালি সেই সমাধানৰ বাবে সদায় কিতাপৰ পৃষ্ঠা লুটিয়াব নালাগে। এতিয়া গুগলত চাৰ্চ কৰিলেই পোৱা যায় বিচৰা তথ্য। আনকি কোনো এখন দেশৰ বাসিন্দাসকলে গোটেই মাহটো গুগলত কি চাৰ্চ কৰিছে তাৰ হিচাপো উপলব্ধ।
গোটেই অক্টোবৰ মাহত ভাৰতৰ নাগৰিকসকলে গুগলত কি চাৰ্চ কৰিছে? সেই তালিকা পোহৰলৈ আহিল। আটাইতকৈ বেছি সন্ধান কৰা তিনিটা বিষয়ৰ ওপৰত এবাৰ চকু ফুৰাওঁ আহক।
লগতে পঢ়কঃ জিন বিকাশৰ অধ্যয়নত নতুন পোহৰৰ সন্ধান; গৱেষকসকলে দিছে গুৰুত্বপূৰ্ণ তথ্য
ৰতন টাটা- যোৱা ৯ অক্টোবৰত উদ্যোগ জগতৰ মহীৰুহ ৰতন টাটাৰ মৃত্যু হয়। তেওঁৰ মৃত্যুৰ পিছত দেশ-বিদেশৰ বিশিষ্ট ব্যক্তিসকলে ছ’চিয়েল মিডিয়াত শ্ৰদ্ধাঞ্জলি জ্ঞাপন কৰে। সমীক্ষাৰ তথ্য অনুসৰি গোটেই অক্টোবৰ মাহত গুগলত বহুলভাৱে ৰতন টাটাৰ নাম চাৰ্চ কৰা হৈছিল। টাটা ছন্সৰ অধ্যক্ষ, তেওঁৰ জীৱন, তেওঁৰ প্ৰেম, তেওঁৰ সম্পত্তিৰ বিষয়ে বাৰে বাৰে গুগলত চাৰ্চ কৰা হৈছে।
ভাৰতীয় মহিলা ক্ৰিকেট দল- মহিলা ক্ৰিকেটৰ বাবে বিশেষকৈ ভাৰতীয় জাতীয় দলৰ বাবে অক্টোবৰ মাহটো গুৰুত্বপূৰ্ণ। আন্তঃৰাষ্ট্ৰীয় প্ৰতিযোগিতাত তেওঁলোকৰ প্ৰদৰ্শনে জনসাধাৰণৰ দৃষ্টি আকৰ্ষণ কৰিছিল। সমীক্ষাত কোৱা হৈছে যে কেৱল মনোযোগ দিয়াই নহয়, মহিলাৰ ক্ৰীড়াৰ প্ৰতিও নতুনকৈ আগ্ৰহ বৃদ্ধি পাইছে।
লগতে পঢ়কঃআপোনাৰ সংগীৰ এই ৫টা আচৰণ কেতিয়াও আওকাণ নকৰিব, ই হ’ব পাৰে বিচ্ছেদৰ ইংগিত
চৰকাৰী ৰিজাল্ট ডটকম – শিক্ষা সমাপ্ত কৰি চাকৰি বিচৰা যুৱ সমাজে স্বাৱলম্বী হ’ব বিচাৰে। বাৰে বাৰে গুগলত চৰকাৰী ৰিজাল্ট ডটকমত চাৰ্চ কৰিছে। এই চাইটত পৰীক্ষাৰ ফলাফল, এডমিট কাৰ্ড আৰু চাকৰিৰ অধিসূচনাৰ বিষয়ে গুৰুত্বপূৰ্ণ তথ্য পোৱা যায়। চৰকাৰী পদৰ বাবে বৃদ্ধি পোৱা প্ৰতিযোগিতাৰ যুগত আপডেট হৈ থাকিবলৈ ব্যক্তিসকলে এই ৱেবচাইটটো অনুসৰণ কৰে।
