১৯২০ চনত ভাৰতত প্ৰথম কেন্দ্ৰীয় ট্ৰেড ইউনিয়ন গঠন হৈছিল যদিও, আন্তঃৰাষ্ট্ৰীয় মে’ দিৱস উদযাপন ভাৰতৰ শ্ৰমিক আন্দোলনৰ অবিচ্ছেদ্য অংগ হৈ উঠা নাছিল। ভাৰতৰ প্ৰথম মে’ দিৱস ১৯২৩ চনৰ ১ মে’ত মাদ্ৰাজৰ সাগৰৰ পাৰত শ্ৰমিক নেতা ছিংগাৰভেলু চেট্টিয়াৰৰ অধ্যক্ষতাত পালন কৰা হয়।
হাতত ৰঙা পতাকা নথকাৰ বাবে কমৰেড চেট্টিয়াৰে নিজৰ কন্যাৰ ৰঙা শাৰীখন ফালি তাৰ পৰা ৰঙা পতাকা এখন বনায়। ১৯২৩ চনৰ ১ মে’ত সিংহাৰেভলুৰ অধ্যক্ষতাত “হিন্দুস্তানৰ লেবাৰ কিষাণ পাৰ্টি (শ্ৰমিক আৰু কৃষকৰ দল)” গঠন কৰা হয়। সেইদিনা লেবাৰ কিষাণ পাৰ্টিয়ে ভাৰত চৰকাৰক এই পবিত্ৰ দিনটোক বিশ্বৰ শ্ৰমিক শ্ৰেণীৰ বাবে বন্ধৰ দিন হিচাপে ঘোষণা কৰিবলৈ অনুৰোধ জনায়।
লগতে পঢ়ক: আজি ১ মে : আন্তঃৰাষ্ট্ৰীয় শ্ৰমিক দিৱস; কিয় পালন কৰা হয় এই দিৱস?
১৮৮৬ চনৰ ১ মে’ত আমেৰিকাৰ চিকাগোত মে’ দিৱসৰ ইতিহাস সৃষ্টি হৈছিল। ১৮৮৬ চনৰ মূল দাবী আছিল ৮ ঘণ্টাৰ কাম। এই দাবী এদিন হঠাতে উত্থাপন হোৱা নাছিল। ১৮৮৬ চনৰ মহান আন্দোলনটো আছিল দীৰ্ঘদিনীয়া শ্ৰমিকসকলৰ বহু সৰু সৰু দাবী একত্ৰিত হোৱাৰ ফল।
ইতিহাসে দেখুৱাইছে যে ১৮৫৬ চনৰ ২১ এপ্ৰিলত অষ্ট্ৰেলিয়াত ৮ ঘণ্টীয়া কৰ্মদিনৰ দাবীত প্ৰথম এদিনীয়া ধৰ্মঘট হৈছিল। ভাৰতত ৮ ঘণ্টীয়া কামৰ দাবীত উদ্যোগিক শ্ৰমিকসকলৰ প্ৰথম ধৰ্মঘট হৈছিল ১৮৬২ চনৰ মে’ মাহত। দিনটোত ৮ ঘন্টা কাম কৰাৰ দাবীত হাওৰা ষ্টেচনত ১২শ ৰে’ল শ্ৰমিকে এই ধৰ্মঘটত যোগদান কৰে।হাওৰা ৰেল কৰ্মীৰ এই ধৰ্মঘট সেই ক্ষেত্ৰত দ্বিতীয়টো ধৰ্মঘট।
১৯২৩ চনত ভাৰতত প্ৰথম মে’ দিৱস পালন কৰা হয়। ১৯২৬ চনত বম্বেত শ্ৰমিকসকলে মে’ দিৱস উদযাপন কৰে এক বিশাল শোভাযাত্ৰাৰে। এম এন যোশী আদিয়ে এই শোভাযাত্ৰাত আগৰণুৱা আছিল।
লগতে পঢ়ক: কৰ্ণাটকৰ ৰোড শ্ব’ত প্ৰধানমন্ত্ৰীক লক্ষ্য কৰি মোবাইল নিক্ষেপ! কথমপি আঘাতৰ পৰা ৰক্ষা পৰিল মোডী
১৯২৭ চনত সৰ্বভাৰতীয় ট্ৰেড ইউনিয়ন কংগ্ৰেছে প্ৰদেশসমূহক মে’ দিৱস পালন কৰিবলৈ নিৰ্দেশ দিয়ে। সেই আদেশ অনুসৰণ কৰি দেশৰ ৰাজ্যসমূহৰ আন আন ডাঙৰ চহৰত মে’ দিৱস অতি উৎসাহেৰে পালন কৰা হয়।
