মায়ানগৰী মুম্বাই। এই চহৰৰ মাটিতেই ভাৰতে বিশ্ব বিজয়ৰ সোৱাদ পাইছে। কিন্তু কলকাতা নাইট ৰাইডাৰ্ছৰ বাবে দুঃস্বপ্নৰ আন এটা নাম হ’ল ৱানখেড়ে। শ্বাহৰুখ খানৰ দলটো স্বপ্ননগৰীৰ পৰা বাৰে বাৰে খালী হাতেৰে উভতি আহিবলগীয়া হৈছিল। ইয়াৰ মুম্বাই ইণ্ডিয়ানছৰ বিৰুদ্ধে শেষ জয় আছিল ২০১২ চনত। তেতিয়াৰ পৰা এটা দশক পাৰ হৈ গ’ল। কেৱল বিফলতাই সংগী আছিল নাইট ৰাইডাৰ্ছৰ।
শনিবাৰেও তাৰ সুযোগ সৃষ্টি হৈছিল। কিন্তু শেষত শ্ৰেয়াছ বাহিনীয়ে পৰাজয়ৰ মুখৰ পৰা জয় কাঢ়ি লৈ আহে। কলকাতাই ২৪ ৰানত জয়লাভ কৰে। লগতে কলকাতাই ১০খন মেচত ১৪ পইণ্ট লাভ কৰি প্লে অফৰ পথ মসৃণ কৰি তুলিলে।
এই সুযোগতে গৌতম গম্ভীৰৰ দলটোৱে ইতিহাস সলনি কৰিলে। লীগ টেবুলত মুম্বাইৰ ঠিক ওলোটাফালে থিয় দিছে নাইট ৰাইডাৰ্ছ। এই মেচত জয়লাভ কৰি শ্ৰেয়াছ আয়াৰৰ দলটোৱে প্লে অফৰ পথ সহজ কৰি তুলিলে।
অৱশ্যে শুকুৰবাৰে নিশাৰ ৱানখেড়েত নিষ্প্ৰভ তেওঁলোকৰ টপ অৰ্ডাৰ বেটিং। ফিল ছল্ট (৫) আৰু সুনীল নাৰাইনে (৮) ব্যৰ্থ হোৱাৰ পিছতে কলকাতাৰ মিডল অৰ্ডাৰৰ দুৰ্দশাৰ ছবিখন পোহৰলৈ আহিল। মিডল অৰ্ডাৰত ভেংকটেশ আয়াৰৰ বাহিৰে কোনেও শক্তিশালীভেৱ খুটি ধৰি ৰাখিব পৰা নাছিল। অংগকৃশ ৰঘুবংশী (১৩), শ্ৰেয়াছ আয়াৰ (৬) কম ৰানত উভতি যায়।
টী-২০ বিশ্বকাপ দলত ৰিংকু সিঙে (৯) সুযোগ নাপালে। বিতৰ্ক এতিয়াও তীব্ৰতৰ হৈ আছে। কলকাতাৰ তাৰকাগৰাকীয়ে আই পি এলত তেনেকৈ বেটিং কৰাৰ সুযোগো পোৱা নাই। শনিবাৰে দলৰ বিপদৰ সময়ত তেওঁ জাতীয় দলৰ নিৰ্বাচনক লৈ প্ৰশ্ন উত্থাপন কৰাৰ সুযোগ পাইছিল। কিন্তু ৰিংকু বিফল হ’ল। শেষত ভেংকটেশ আয়াৰে (৭০) অকলে দৃঢ়তাৰে কলকাতাৰ মৰ্যাদা ৰক্ষা কৰে।
ভেংকটেশে একমাত্ৰ নাইট ৰাইডাৰ্ছৰ প্ৰবীণ খেলুৱৈ মনীষ পাণ্ডেৰ (৪২)সংগ লাভ কৰিছিল। কিছু চাপত কেকেআৰে তেওঁক ইমপেক্ট প্লেয়াৰ হিচাপে নমাইছিল। ৫৮ ৰানত ৫ উইকেটৰ পৰা বৃহৎ পাৰ্টনাৰশ্বিপ গঢ়ি তুলিছিল দুয়োজনে। শেষত সকলো উইকেট হেৰুৱাই নাইটছৰ ইনিংছ ১৬৯ ৰানত স্তব্ধ হৈ পৰে।
এই ৰানেৰে মুম্বাইৰ বিৰুদ্ধে যুঁজ দিয়াৰ কামটো যথেষ্ট কঠিন আছিল। দুৰ্বল ফৰ্মৰ পিছতো ঘৰুৱা খেলপথাৰত জয়লাভৰ বাবে আতুৰ কৰিছিল মুম্বাই। প্লে অফত প্ৰৱেশৰ সংখ্যাও কিতাপে-কলমে হাৰ্দিকৰ হাতত আছিল। কিন্তু হাৰ্দিক পাণ্ডিয়াৰ দলটোৱে পুনৰ প্ৰমাণ কৰিলে যে তেওঁলোক কিয় লীগ টেবুলত নৱম স্থানত আছে।
ইটোৰ পিছত সিটোকৈ মুম্বাইৰ উইকেটৰ পতন ঘটিল। তেওঁলোককো ডুবালে টপ অৰ্ডাৰে। ঈশান কিষাণ (১৩), ৰোহিত শৰ্মা (১১), নমন ধীৰ (১১) আটাইকেইজনেই কম ৰানতে উভতি যায়। ইয়াৰ লগে লগে ৰোহিত দহবাৰ নাৰাইনৰ স্পিন মেজিকৰ চিকাৰ হ’ল। অধিনায়ক হাৰ্দিক পাণ্ডিয়াৰ অৱস্থাও বেলেগ নাছিল। সুনীল নাৰাইন আৰু বৰুণ চক্ৰৱৰ্তীৰ স্পিন মেজিকত মুম্বাইৰ বেটিং দিশহাৰা হৈ পৰিছিল।
কেৱল সূৰ্যকুমাৰ যাদৱে অলপ চেষ্টা কৰিলেও সেয়া যথেষ্ট নহ’ল। বিশ্বকাপৰ পূৰ্বে তেওঁক বিধ্বংসী ফৰ্মত দেখি আনন্দিত হ’ব দেশৰ ক্ৰিকেট অনুৰাগীসকল। কিন্তু সেইটোৱেও মুম্বাইৰ অনুৰাগীক সন্তুষ্ট কৰিব পৰা নাই। ৫৭ ৰানত আউট হৈ উভতি আহে স্কাই।
শনিবাৰে আন এজন ব্যক্তি অভিশাপৰ পৰা মুক্ত হ’ল। তেওঁ হৈছে মিচেল ষ্টাৰ্ক (৩৩/৪)। এতিয়ালৈকে তেওঁৰ ফৰ্মৰ বিষয়ে বহু কথা কোৱা হৈছে। শনিবাৰে তেওঁ বুজাই দিলে যে কলকাতাই তেওঁক কিয় ইমান টকাৰে কিনিছিল। ডেথ অভাৰত ষ্টাৰ্ক হৈ পৰিছিল বিধ্বংসী। তেওঁ মুঠ চাৰিটা উইকেট দখল কৰে। আতংক হৈ উঠা টিম ডেভিদ (২৪)ক স্তব্ধ কৰি দিলে। পীয়ুষ চাওলা, কোট্জীও তেওঁৰ বলি হয়।
অৱশ্যেই মেচখনৰ টাৰ্নিং পইণ্ট সূৰ্য্যৰ প্ৰস্থান বুলি ক’ব পাৰি। আৰু সূৰ্য্য অস্ত যোৱাৰ লগে লগে প্লে অফৰ মেৰিন ড্ৰাইভত মুম্বাইৰ বাবে আন্ধাৰ নামি আহিল। অৱশেষত কলকাতাই ২৪ ৰানত জয়লাভ কৰে।
সংক্ষিপ্ত স্কোৰঃ
কলকাতা নাইট ৰাইডাৰ্ছ: ১৬৯/১০ (ভেংকটেশ ৭০, মনীষ ৪২, থুছাৰা ৪২/৩)
মুম্বাই ইণ্ডিয়ানছ : ১৪৫/১০ (সূৰ্য্যকুমাৰ ৫৭, টিম ডেভিদ ২৪, ষ্টাৰ্ক ৩৩/৪)
কলকাতা নাইট ৰাইডাৰ্ছে ২৪ ৰানত জয়লাভ কৰে।
