নগাঁও আৰু কাৰ্বি আংলং জিলাৰ সীমান্তৱৰ্তী অঞ্চল বুধবাৰে অনুষ্ঠিত হ’ল আত্মসমৰ্পণকাৰী কাৰ্বি উগ্ৰপন্থী কে পি এল টি গোটৰ এখন বিশেষ সভা ৷
যোৱা ৪ ছেপ্তেম্বৰত দেশৰ গৃহমন্ত্ৰী অমৃত শ্বাহ ,অসমৰ মুখ্যমন্ত্ৰী ড° হিমন্ত বিশ্ব শৰ্মা,কাৰ্বি আংলং অট’নমাছ কাউঞ্চিলৰ চি ই এম সহ কেন্দ্ৰীয় নেতৃত্বৰ সৈতে দিল্লীত ছয় উগ্ৰপন্থী সংগঠন ক্ৰমে কে পি এল টি , কে পি এল টি(আৰ), কে পি এল টি(এম), কে পি এল টি (এফ), ইউ পি এল এ আৰু পি ডি চিৰ আত্মসমৰ্পনকাৰী সদস্য সকলে শান্তি চুক্তিত স্বাক্ষৰ কৰাৰ পাছত আজি অনু্ষ্ঠিত কৰে এই বিশেষ সভাখন ৷
তনয় কুমাৰ নায়কে উদ্দেশ্য বাখ্যা কৰা সভাখনত আত্মসমৰ্পণকাৰী কে পি এল টিৰ সদস্য সকলে ভূৱন ক্ৰৰক সভাপতি আৰু ৰাজু টগবীক সাধাৰণ সম্পাদক হিচাপে লৈ “চুছেং ধেন্টা চ’ছিয়েল ৱেলফেয়াৰ” নামৰ এখন কমিটি গঠন কৰি কাৰ্বি আংলঙৰ সামগ্ৰিক উন্নয়ন তথা সমাজ জীৱনত জড়িত হৈ সেৱা আগবঢ়াবলৈ আজি অংগীকাৰবদ্ধ হয় ৷
চৰকাৰৰ লগত হোৱা শান্তি চুক্তি মৰ্মে চৰকাৰে দিয়া আশ্বাস কাৰ্যকৰীকৰণ হ’ব বুলিও আশা ব্যক্ত কৰে ৷
