মহাৰত্ন উদ্যোগ তেল আৰু প্ৰাকৃতিক গেছ নিগম, অসম সম্পদৰ বহিৰাগত ঠিকাদাৰী প্ৰতিষ্ঠান শ্লামবাৰ্গাৰ ৱাৰলাইনৰ অধীনৰ যি সমূহ কাম – কাজ , নিবিদা আৰু নিযুক্তিৰ ক্ষেত্ৰত ৯৫ শতাংশ থলুৱা নিবনুৱাক অগ্ৰাধিকাৰ দিয়াৰ ২০২১বৰ্ষতে আশ্বাস প্ৰদান কৰিছিল ।
কিন্তু আজি পৰ্যন্ত এই আশ্বাস তথা বিভিন্ন দল – সংগঠনৰ দাবী কাৰ্যকৰী কৰা নাই ।
এই সন্দৰ্ভত যোৱা ২৭ অক্টোবৰত বীৰ লাচিত সেনা, অসমৰ শিৱসাগৰ জিলা সমিতিয়ে শ্লামবাৰ্গাৰ প্ৰতিষ্ঠানক দাবী সমূহ কাৰ্যকৰী কৰিবৰ বাবে সাত দিনৰ সময় সীমা বান্ধি দি শ্লামবাৰ্গাৰ প্ৰতিষ্ঠানৰ পৰিচালকক এখনি স্মাৰক পত্ৰ প্ৰদান কৰে ।
ইয়াৰ পিছতো প্ৰতিষ্ঠানটোয়ে দাবী কাৰ্যকৰী নকৰাত আজি প্ৰতিষ্ঠানটোৰ নাজিৰাস্থ কাৰ্যালয়ৰ সন্মূখত ধৰ্ণাৰে উত্তাল প্ৰতিবাদ সাব্যস্ত কৰাৰ লগতে অনিৰ্দিষ্ট কাললৈ বন্ধ কাৰ্যসূচী ৰূপায়ন কৰিছে ।
