দেশৰ এগৰাকী জনপ্ৰিয় ৰাজনৈতিক নেতা তথা বিহাৰৰ প্ৰাক্তন মুখ্যমন্ত্ৰী লালু প্ৰসাদ যাদৱ অৱশেষত চিকিৎসাৰ পিছত স্বদেশত উপস্থিত হৈছে। যোৱা বৰ্ষৰ ডিচেম্বৰ মাহত ছিংগাপুৰত বৃক্ক সংৰোপণ অস্ত্ৰোপচাৰ কৰা বয়োজ্যেষ্ঠ নেতাগৰাকী শনিবাৰে সন্ধিয়া দিল্লীত উপস্থিত হয়।
ৰাষ্ট্ৰীয় জনতা দলৰ সভাপতি গৰাকীক দিৰ্ঘদিনীয়া অসুস্থতাৰ পিছত চিকিৎসাৰ বাবে ছিংগাপুৰলৈ লৈ যোৱা হৈছিল আৰু বিগত সময়চোৱাত ছিংগাপুৰতে চিকিৎসাধীন হৈ আছিল।
শনিবাৰে সন্ধিয়া দিল্লীত উপস্থিত হোৱা লালুক আদৰণি জনায় ৰাজ্যসভাৰ সাংসদ তথা তেওঁৰ কন্যা মিছা ভাৰতীয়ে। আগন্তুক কিছুদিন লালু কন্যা মিছাৰ লগত দিল্লীতে থাকিব বুলি দলীয় সূত্ৰই প্ৰকাশ কৰিছে।
ইয়াৰ পূৰ্বে লালু প্ৰসাদ যাদৱৰ আনগৰাকী কন্যা ৰোহিনী আচাৰ্যই টুইটাৰত পিতৃ লালু দেশলৈ ঘূৰি অহাৰ বিষয়ে অৱগত কৰি এক আৱেগিক পোষ্ট শ্বেয়াৰ কৰিছিল।
जान भी कम है उनके चरणों में
ईश्वर से भी ऊँचा दर्जा है
पापा का इस दुनिया में..🙏🏻 pic.twitter.com/SCD29CbPUV— Rohini Acharya (@RohiniAcharya2) February 11, 2023
এই টুইট যোগে ৰোহিনীয়ে সকলোকে পিতৃ লালুৰ যত্ন ল’বলৈ আহ্বান জনাইছিল। টুইটটোত তেওঁ কয়, “মই কন্যা হিচাপে মোৰ কৰ্তব্য পালন কৰিছো। দেউতা সুস্থ হৈ উঠিছে আৰু মই তেওঁক আপোনালোকৰ মাজলৈ পঠিয়াইছো। অনুগ্ৰহ কৰি দেউতাৰ যত্ন লওক।”
आप सबसे एक जरूरी बात कहनी है. यह जरूरी बात हम सबों के नेता आदरणीय लालू जी के स्वास्थ्य को लेकर है.
11 फरवरी को पापा सिंगापुर से भारत जा रहे हैं.
मैं एक बेटी के तौर पर अपना फर्ज अदा कर रही हूँ. पापा को स्वस्थ्य कर आप सब के बीच भेज रही हूँ..
अब आप लोग पापा का ख्याल रखियेगा. pic.twitter.com/GcVNV1Emly
— Rohini Acharya (@RohiniAcharya2) February 10, 2023
উল্লেখ্য যে, ৰোহিনী আচাৰ্যই নিজ পিতৃৰ বাবে বৃক্ক দান কৰিছিল। ৭৪ বছৰীয়া লালু যাদৱ তীব্ৰ বৃক্কৰ জটিলতাত ভুগি আছিল আৰু তেওঁক বৃক্ক সংৰোপণৰ পৰামৰ্শ দিয়া হৈছিল।
কন্যা ৰোহিনী নিজ পিতৃৰ জীৱন ৰক্ষাৰ্থে বৃক্ক দাতা হিচাপে আগবাঢ়ি আহে যদিও প্ৰথম অৱস্থাত লালুৱে কন্যাৰ সিদ্ধান্তত মান্তি হোৱা নাছিল। অৱশ্যে পিছত কন্যাৰ সিদ্ধান্তত সন্মত হৈছিল লালু।
যোৱা বৰ্ষৰ ৫ ডিচেম্বৰত সফলতাৰে লালুৰ দেহত বৃক্ক সংৰোপণ কৰা হৈছিল। স্মৰ্তব্য যে বিহাৰৰ প্ৰাক্তন মুখ্যমন্ত্ৰীগৰাকী পশুখাদ্য কেলেংকাৰীৰ গোচৰত কাৰাদণ্ড ভুগি আছে। বৰ্তমান চিকিৎসাজনিত কাৰণতহে জামিনত আছে লালু যাদৱ।
