মুম্বাইত আবদ্ধ অসমৰ শ্ৰমিকৰ বাবে প্ৰশংসনীয় পদক্ষেপ সীমা বিশ্বাসৰ
সীমা বিশ্বাস।
খ্যাতনামা অভিনেত্ৰী সীমা বিশ্বাসে চলিত লকডাউনত মুম্বাইত আবদ্ধ অসমৰ শ্ৰমিকসকলৰ সহায়ৰ বাবে বিশেষ পদক্ষেপ গ্ৰহণ কৰিছে।
অসমৰ মুখ্য মন্ত্ৰী সৰ্বানন্দ সোণোৱালেও অভিনেত্ৰীগৰাকীয়ে গ্ৰহণ কৰা পদক্ষেপৰ শলাগ লৈছে।
অভিনেত্ৰীগৰাকীয়ে মুখ্য মন্ত্ৰীৰ সাহায্য পুঁজিলৈ ৫ লাখ টকাৰ সাহায্য আগবঢ়াইছে আৰু তাৰে ২.৫লাখ টকা মুম্বাইত আবদ্ধ লোকসকলৰ সহায়ৰ বাবে আগবঢ়াইছে।
এই ধনৰাশি তেওঁ মুম্বাইৰ অসম ভৱনে যোৱা ২২ মাৰ্চৰ পৰা ধাৰাবাহিকভাৱে চলাই থকা সাহায্য প্ৰদান অভিযানলৈ আগবঢ়াইছে।
অভিনেত্ৰীগৰাকীয়ে তেওঁৰ মুম্বাইৰ গ’ৰেগাওঁস্থিত নিজ বাসভৱনত অসম চৰকাৰৰ প্ৰতিনিধিৰ হাতত এই ধনৰাশি প্ৰদান কৰে।