অসমৰ মুখ্য সচিব কুমাৰ সঞ্জয় কৃষ্ণই লকডাউনৰ বাবে আন ৰাজ্যত আবদ্ধ হৈ অসমৰ লোকসকলক তাতে থকাৰ আহ্বান জনাইছে।
তেওঁ সদৰী কৰা মতে সংশ্লিষ্ট ৰাজ্যসমূহৰ চৰকাৰ আৰু স্থানীয় প্ৰশাসনৰ সৈতে এই সন্দৰ্ভত আলোচনা কৰা হৈছে।
আৰু আবদ্ধ লোকসকলে থকা, খোৱা আৰু আন সা-সুবিধাৰ ব্যৱস্থা পোৱাতো নিশ্চিত কৰা হৈছে।
উল্লেখযোগ্য যে লকডাউনৰ বাবে অসমৰ বহু লোকো আন ৰাজ্যত আবদ্ধ হৈ আছে। এইসকলৰ ভিতৰত বিভিন্ন ৰাজ্যত কৰ্মৰত অসমৰ শ্ৰমিকসকলো আছে।
প্ৰধান মন্ত্ৰী নৰেন্দ্ৰ মোদীয়ে কৰ’নাভাইৰাছক প্ৰতিহত কৰাৰ বাবে ২১ দিনীয়া লকডাউন ঘোষণা কৰিছে।
অসমত এতিয়ালৈকে কোনো কৰ’নাভাইৰাছ আক্ৰান্ত চিনাক্ত হোৱা নাই।
মণিপুৰ আৰু মিজোৰামত এগৰাকীকৈ কৰ’নাভাইৰাছত আক্ৰান্ত ৰোগী চিনাক্ত হোৱাৰ পিছত উত্তৰ-পূবত নতুন কোনো আক্ৰান্ত চিনাক্ত হোৱা নাই।
