ক’ৰ’নাৰ ভাইৰাছৰ সংক্ৰমণ ৰোধৰ বাবে সমগ্ৰ দেশত এতিয়া ল’কডাউন। ল’কডাউনৰ বাবে স্তব্ধ হৈ পৰিছে জনজীৱন। ক’ৰ’নাৰ সংক্ৰমণৰ পৰা বাচি থাকিবলৈ সকলোকে দিছে নিজ নিজ ঘৰত সোমাই থাকিবলৈ কোৱা হৈছে।
কিন্তু যি সময়ত জনসাধৰণে নিজৰ ঘৰৰ ভিতৰত নিৰাপদে সোমাই আছে সেই সময়ত জনসাধৰণৰ সুৰক্ষাৰ খাতিৰত দিন ৰাতি একাকাৰ কৰি আৰক্ষীৰ লোকসকলে নিজৰ কৰ্তব্য কৰি গৈছে।
ইয়াৰ মাজতে বৃহস্পতিবাৰে নিশা কৰ্তব্য পালনত ব্যস্ত থকা মহানগৰ আৰক্ষীৰ কেইজনমান বিষয়া-কৰ্মচাৰীক দেখা গ’ল এক ব্যতিক্ৰমী ৰূপত।
নিজৰ দায়িত্ব পালনৰ লগতে নিজৰ মাজতেই সাহস বঢ়াইছে সতীৰ্থ সকলে। একেলগে গাইছে এটি জনপ্ৰিয় অসমীয়া গীত। মান্না দে’য়ে কণ্ঠ নিগৰোৱা অৰণ্য বোলছবিৰ জনপ্ৰিয় গীত – “দিনৰ পোহৰ ৰংচঙীয়া”।
‘বিষ্ণু ৰাভা এতিয়া কিমান ৰাতি’ বুলি এক কেপচনৰ সৈতে মহানগৰ আৰক্ষী বিষয়া পংকজ প্ৰতিম মহন্তই ফেচবুকত এই ভিডিঅ’টো আপলোড কৰে।
