লোকসভাৰ অধ্যক্ষ ওম বিৰলাৰ শৰীৰত ধৰা পৰিছে কোভিড১৯ৰ অৱস্থিতি।
দেওবাৰে দিল্লীস্থিত সৰ্ব ভাৰতীয় আয়ুবিজ্ঞান প্ৰতিষ্ঠানৰ মিডিয়া কোষে এক বিবৃতিৰ যোগে এই কথা প্ৰকাশ কৰিছে।
বিবৃতিটোত প্ৰকাশ কৰা অনুসৰি লোকসভাৰ অধ্যক্ষগৰাকীক ইতিমধ্যে এইমছত ভৰ্তি কৰোৱা হৈছে।
অৱশ্যে তেওঁৰ স্বাস্থ্য বৰ্তমান সুস্থিৰ আৰু সকলো পেৰামিটাৰ স্বাভাৱিক বুলি কোৱা হৈছে বিবৃতিটোত।
চিকিৎসালয়ৰ সূত্ৰৰ মতে ৫৮ বছৰীয়া ওম বিৰলাৰ য়োৱা ১৯ মাৰ্চ তাৰিখে কোভিড টেষ্ট কৰা হৈছিল।