অন্তৰ্ধান হ’ল মহিলাৰ সুৰক্ষাৰ বাবে কেজৰিৱাল চৰকাৰে সংস্থাপন কৰা কেইবাটাও চিচি টিভি কেমেৰা
মহিলাৰ সুৰক্ষাৰ প্ৰতি লক্ষ্য ৰাখি দিল্লীত সংস্থাপন কৰা ১ লাক ৩১ হাজাৰ চিচি টিভি কেমেৰা এতিয়া নিজেই অসুৰক্ষিত।
শেহতীয়াকৈ ইয়াৰে কিছু সংখ্যক কেমেৰা চুৰি হোৱা বুলি জানিব পাৰি লোক নিৰ্মাণ বিভাগে এট অনুসন্ধানমূলক তদন্ত চলাইছিল।
বিভাগৰ তথ্য অনুসৰি ৭৬টা কেমেৰা, ১২৩০ হাৰ্ড ডিস্ক, ১৪৫ এনবিআৰ, ১০৮ কাৰ্ড ছিম কাৰ্ড আৰু ৩১ পি এ এছ য়ু চুৰি হৈছে।
মুখ্য মন্ত্ৰী অৰবিন্দ কেজৰিৱালৰ নিৰ্দশেৰ পিছতে লোক নিৰ্মাণৰ মন্ত্ৰী সত্যেন্দ্ৰ জৈনে অলপতে এই সন্দৰ্ভত এখন বৈঠকৰ আহ্বান জনাইছিল আৰু উক্ত বৈঠকতে কেমেৰাৰ সুৰক্ষাৰ বাবে ডাবল লকৰ ব্যৱস্থা কৰিবলৈ নিৰ্দশ দিয়ে।
লোক নিৰ্মাণৰ তথ্য অনুসৰি দিল্লীৰ কিৰাৰী, মংগোলপুৰী, ৰিঠালা, শালীমাৰ বাগ, সুলতানপুৰী, মাজৰা, ত্ৰিনগৰ, বজীৰপুৰ, গ্ৰেটাৰ কৈলাশ, নৰেলা, বৱানা, চকুৰবস্তি, তিলক নগৰ, বিকাশপুৰী, জনকপুৰী, নাংগোলাই, বাদলী আৰু উত্তম নগৰৰ পৰা কেমেৰা সমূহ চুৰি হৈছে।
উল্লেখ্য যে দিল্লীত এতিয়াও ১ লাখ ৪৯ হাজাৰ চিচি টিভি কেমেৰা সংস্থাপন কৰিবলৈ বাকী আছে। অতি শীঘ্ৰে এই কেমেৰা সমূহ লগাবলৈ মুখ্য মন্ত্ৰী কেজৰিৱালে নিৰ্দেশ প্ৰদান কৰিছে।