Lurinjyoti Gogoi “NHPC কৰ্তৃপক্ষৰ পৰা ১ পইচা লোৱা বুলি কোনোবাই প্ৰমাণ কৰিব পাৰিলে ৰাজনৈতিক জীৱন ত্যাগ কৰিম”: লুৰিনজ্যোতি গগৈৰ প্ৰত্যাহ্বান

Lurinjyoti Gogoi clarifies যোৱা দুই তিনিদিন ধৰি কেইটামান ৱেব পৰ্টেল আৰু চেনেলে এটা অসত্য বাতৰি প্ৰচাৰ কৰি আছে বুলি অভিযোগ আনিছে অসম জাতীয় পৰিষদৰ নেতা জগদীশ ভূঞাৰ।

”লুৰিন দা হঁতে হেনো NHPC ৰ পৰা পইচা লৈছে, অফিচত কাৰোবাৰ মুখৰ পৰা শুনিছোঁ”-এই টেলিফনিক বাৰ্তালাপৰ আধাৰত বাতৰি কৰাক লৈ অসন্তুষ্টি প্ৰকাশ অসম জাতীয় পৰিষদৰ নেতৃত্বৰ।

উক্ত কথাষাৰৰ ওপৰত কিন্তু এবাৰো সোধা নহ’ল বুলি উল্লেখ কৰি NHPC য়ে অসমৰ সুৰক্ষিত ভৱিষ্যত বিনাশ কৰিছে বুলি ক্ষোভ উজাৰি নীতি অনুসাৰে সংবাদ পৰিৱেশন কৰিবলৈ আহ্বান জগদীশ ভূঞাৰ।

আনহাতে, এই টেলিফনিক বাৰ্তালাপৰ আধাৰত বাতৰি নকৰা চেনেল সমূহক ধন্যবাদ অসম জাতীয় পৰিষদৰ। বাতৰি কৰিলে দুয়োপক্ষৰ পৰা মতামত ল’ব লাগে বুলিও উল্লেখ কৰে ভূঞাই।

Also Read: CJI Ramana to Rulers গণতন্ত্ৰত শাসকসকলে প্ৰতিদিনেই আত্মসমালোচনা কৰা উচিত: দেশৰ মুখ্য ন্যায়াধীশ এন ভি ৰামান্না

এই সন্দৰ্ভত কিছু সংবাদমাধ্যমৰ ওপৰত ক্ষোভ উজাৰি লুৰিনজ্যোতি গগৈয়ে কয়, “কোনো ধৰণৰ যুক্তিযুক্ততা নোহোৱাকৈ পৰিকল্পিতভাৱে জনমানসত লুৰিন জ্যোতি গগৈ আৰু অজাপৰ ভাৱমূৰ্তি বিনষ্ট কৰিবলৈ এই বাতৰি পৰিৱেশন কৰা হৈছে।‘’

এটা সংগঠনৰ দুগৰাকী ব্যক্তিৰ মাজত  সেই টেলিফনিক বাৰ্তালাপ চলিছিল বুলিও উল্লেখ কৰে গগৈয়ে।

চেনেলৰ নাম ৰাজহুৱা কৰি আক্ষেপ  প্ৰকাশ কৰি লুৰিনজ্যোতি গগৈয়ে কয়, ‘’জাতিৰ বিৰুদ্ধে আমি গাড্ডাৰি নকৰো। অটল আছো নিজৰ স্থিতিত।‘’

Also Read: Man-Elephant conflict হাতী-মানুহৰ সংঘাত নিৰসনত সফল প্ৰকৃতিপ্ৰেমীৰ মডেল; কৃষকে নিৰ্বিঘ্নে চপালে সোণোৱালী শইচ

ND 24 টো সৰ্বানন্দৰ চেনেল বুলি দুজন মানুহে কথা পাতিলে কাইলৈ সেইটোৰ ওপৰত news live য়ে বাতৰি কৰিব নেকি বুলিও তীক্ষ্ণ প্ৰশ্নবান গগৈৰ।

NHPC কৰ্তৃপক্ষৰ পৰা ১ পইচা লোৱা বুলি যদি কোনোবাই প্ৰমাণ কৰিব পাৰে তেনেহ’লে লুৰিন জ্যোতি গগৈয়ে ৰাজনৈতিক জীৱন ত্যাগ কৰিব। সংবাদ মাধ্যমৰ লগতে সকলোলৈ লুৰিন জ্যোতি গগৈয়ে এইদৰে প্ৰত্যাহ্বান জনায়।

আছুৰ দুগৰাকী ব্যক্তিৰ মাজত চলিছিল এই বার্তালাপ, দুমাহ আগতে আছু নেতৃত্বলৈ এই বার্তালাপ প্ৰেৰণ কৰা হৈছিল। তেন্তে আজিহে কিয় এই বার্তালাপক লৈ বাতৰি হৈছে বুলি প্ৰশ্ন  কৰে লুৰিনজ্যোতিয়ে।

Also Read: Priyanka Chopra স্বামীৰ জোনাছ উপাধি অঁতৰোৱাৰ পাছতে বিচ্ছেদক লৈ চৰ্চাত নিক-প্ৰিয়ংকা; কি হৈছে ‘দেশী গাৰ্ল’ৰ?

‘’নেতৃত্বৰ প্ৰতি যাতে সন্দেহ ওপজে, কেতিয়াও যাতে আন্দোলন গঢ়ি নুঠে তাৰ বাবে সংবাদ মাধ্যমৰ সহায়ত মোক টাৰ্গেট কৰা হৈছে। মানহানি গোচৰ, ক্ৰিমিনেল গোচৰ দিয়া হ’ব এই কাৰ্য্য কৰা সকলৰ বিৰুদ্ধে। তীৰ্যক মন্তব্য কৰা সকলকো আমি মোকৰ্দমাৰ অংশীদাৰ কৰিম,’’জাতীয় পৰিষদৰ সভাপতিগৰাকীৰ মন্তব্য।

আনহাতে, গাদী ৰক্ষা কৰা ৰাজনীতিকৰ নিৰ্দেশত একাংশ সংবাদ মাধ্যমে এই কাম কৰিছে বুলি অভিযোগ কৰে নেতাগৰাকীয়ে।