২৫ খন জিলাত ২ ঘন্টাৰ পৰিৱৰ্তে ৬-৭ ঘন্টা ইন্টাৰনেট কৰ্তন; ওকণিৰ ভয়ত চুলি কাটিছে নেকি বিজেপি চৰকাৰে?

Assam shuts mobile internet today ইন্টাৰনেট কৰ্তন কৰি নিযুক্তি পৰীক্ষা অনুষ্ঠিত কৰিছে অসম চৰকাৰে। ওকণিৰ ভয়ত চুলি কটাৰ লেখীয়াকৈ তৃতীয়-চতুৰ্থ বৰ্গৰ নিযুক্তি পৰীক্ষা অনুষ্ঠিত কৰাৰ নামত ইন্টাৰনেট কৰ্তন কৰিছে ৰাজ্যৰ বিজেপি নেতৃত্বাধীন চৰকাৰখনে।

ইন্টাৰনেট কৰ্তনৰ সময়সীমা চৰকাৰে নিৰ্ধাৰণ কৰিছিল পুৱা ১০ বজাৰ পৰা দুপৰীয়া ১২ বজালৈকে আৰু বিয়লি ২ বজাৰ পৰা ৪ বজালৈকে।

কিন্তু পুৱা প্ৰায় ৮ বজাৰ পৰা লাহে লাহে ইন্টাৰনেট কৰ্তন কৰিবলৈ আৰম্ভ কৰে। ২ ঘন্টাৰ পৰিৱৰ্তে বৰ্তমানলৈকে ৬-৭ ঘন্টা ইন্টাৰনেট কৰ্তন কৰিলে হিমন্ত বিশ্ব শৰ্মাৰ চৰকাৰে।

লগতে পঢ়ক: অহা নাই এম্বুলেন্স, ঠেলাত আনিলে অসুস্থ ৰোগী! বাতৰি কৰা তিনি সাংবাদিকৰ বিৰুদ্ধে দাখিল এজাহাৰ

তদুপৰি, দুপৰীয়া ১২ বজাৰ পৰা বিয়লি ২ বজালৈকে মুঠ ২ ঘন্টাৰ বাবে ইন্টাৰনেট সেৱা উপলব্ধ হ’ব বুলি মুখ্যমন্ত্ৰীয়ে জনাইছিল যদিও পৰীক্ষা অনুষ্ঠিত হোৱা জিলাত লাভ নকৰিলে ইন্টাৰনেট সেৱা।

মুঠ ২৫ খন জিলাত কৰ্তন কৰা হৈছে এই ইন্টাৰনেট সেৱা।

২৬ হাজাৰ তৃতীয় আৰু চতুৰ্থ বৰ্গৰ নিযুক্তি প্ৰক্ৰিয়া স্বচ্ছ আৰু নিকা কৰাৰ উদ্দেশ্যৰে এই ইন্টাৰনেট সেৱা কৰ্তন কৰা হৈছে।

লগতে পঢ়ক: Sanna Marin: পাৰ্টিত সুৰাপান কৰি গানৰ তালত নৃত্য! ড্ৰাগ টেষ্ট কৰালে বিশ্বৰ সৰ্বকনিষ্ঠ প্ৰধানমন্ত্ৰীগৰাকীয়ে

মুঠ তিনিদিন অৰ্থাৎ ২১ আগষ্ট, ২৮ আগষ্ট আৰু ১১ চেপ্তেম্বৰত মুঠ ২৫ খন জিলাত কৰ্তন কৰিব ইন্টাৰনেট সেৱা।

যাৰ ফলত জ্বলা কলা খাইছে নেটিজেন জনতাই। নেট সম্পৰ্কীয় বহু গুৰুত্বপূৰ্ণ কাম কৰিব নোৱাৰি চৰম হাৰাশাস্তিৰো সন্মুখীন হৈছে বহুতে।

ৰাইজক হাৰাশাস্তি কৰি ইন্টাৰনেট সেৱা কৰ্তন কৰাটোৱে চৰকাৰখনৰ অযোগ্যতাকেই সূচোৱা নাই নে?

লগতে পঢ়ক: Tomato Flu Outbreak in India: ভাৰতত বৃদ্ধি পাইছে টমেট’ ফ্লু; ৮২ জনৰ শৰীৰত হৈছে চিনাক্ত, জানক সৱিশেষ

ৰাইজক হাৰাশাস্তি কৰি ইন্টাৰনেট সেৱা কৰ্তনৰে নিযুক্তি পৰীক্ষা অনুষ্ঠিত কৰাৰ পাছতো যদি পুনৰ নিযুক্তি কেলেংকাৰী পোহৰলৈ আহে তেন্তে ই কিন্তু চৰকাৰৰ চৰম অযোগ্যতাকে প্ৰমাণ কৰিব।