শিশু ‘হস্তান্তৰযোগ্য সম্পত্তি’ নহয়; ২ বছৰ ৭ মহীয়া শিশুৰ জিম্মাৰ গোচৰত ক’লে উচ্চতম ন্যায়ালয়ে

শিশু ইচ্ছামতে ইফালে সিফালে পঠিয়াব পৰা কোনো সম্পত্তি নহয়। কাষ্টডিৰ বোজাই শিশুটিৰ মানসিক স্বাস্থ্যৰ ওপৰত কেনে প্ৰভাৱ পেলাব, সেই বিষয়ে বিবেচনা কৰা উচিত। জিম্মাত লোৱা সম্পৰ্কীয় এক বন্দী প্ৰত্যক্ষীকৰণ (হাবিয়াছ কৰ্পাছ) আবেদনৰ প্ৰতিক্ৰিয়াত দেশৰ উচ্চতম ন্যায়ালয়ে এই কথা কয়।

কিছুদিন পূৰ্বে এটি ২ বছৰ ৭ মহীয়া শিশুৰ জিম্মাত লোৱাৰ সমস্যাৰ বাবেউচ্চতম ন্যায়ালয়ত এখন আবেদন দাখিল কৰা হৈছিল। জানিব পৰা মতে, শিশুটিৰ ১১ মাহ বয়সত অভাৱনীয়ভাৱে শিশুটিৰ মাতৃৰ মৃত্যু হয়। তেতিয়াৰ পৰা সি মাহীয়েকৰ লগত আছে। মাহীয়েককে সি চিনি পাইছে আৰু তেওঁৰ লগত ঘনিষ্ঠতা বাঢ়ি আহিছে।

শেহতীয়াকৈ শিশুটিৰ পিতৃয়ে শিশুটিৰ জিম্মা (কাষ্টডি) বিচাৰি মধ্যপ্ৰদেশ উচ্চ ন্যায়ালয়ৰ দ্বাৰস্থ হৈছিল। উচ্চ ন্যায়ালয়ে শিশুটিক পিতৃৰ ওচৰলৈ ঘূৰাই পঠোৱাৰ নিৰ্দেশ দিয়ে। এই বিষয়টো ২০২৩ চনৰ জুলাই মাহত উচ্চতম ন্যায়ালয় পাইছিল আৰু সেই সময়ত উচ্চতম ন্যায়ালয়ে উচ্চ ন্যায়ালয়ৰ নিৰ্দেশ স্থগিত ৰাখিছিল।

লগতে পঢ়কঃ ভাৰতীয় সংগীত জগতৰ একমেব অদ্বিতীয়ম শিল্পীগৰাকী! সুধাকণ্ঠৰ ওপজা দিনত একাঁজলি শ্ৰদ্ধাঞ্জলি

কালি উচ্চতম ন্যায়ালয়ত এই আৱেদন আহিছিল। ন্যায়াধীশ এ এছ অকা আৰু এ জি মাচিৰ বিচাৰপীঠে কয় যে এনে বিষয় মানৱতাৰ সৈতে বিচাৰ কৰাটো প্ৰয়োজন। শিশু এটা ‘হস্তান্তৰযোগ্য সম্পত্তি’ নহয়। তেওঁৰ মানসিক অৱস্থাৰ কথা নাভাবি ইচ্ছামতে আজি ইয়ালৈ বা কাইলৈ ​​তালৈ পঠিয়াব নোৱাৰি।

উচ্চতম ন্যায়ালয়ে পৰ্যবেক্ষণ কৰে যে উচ্চ ন্যায়ালয়ে শিশুটিৰ মানসিক অৱস্থাৰ কথা বিবেচনা কৰা নাছিল। যিহেতু সাধাৰণতে পিতৃৰ নাম অভিভাৱক হিচাপে মাতৃৰ পিছত আহে, কেৱল সেই কথা মনত ৰাখি নিয়ম অনুসৰি সন্তানৰ তত্ত্বাৱধান পিতৃক দিয়া হয়। কিন্তু যেতিয়া শিশুৰ তত্ত্বাৱধানৰ কথা আহে তেতিয়া শিশুটিৰ সুৰক্ষা আৰু কল্যাণ প্ৰথম স্থানত থাকিব লাগিব। শিশুৰ কল্যাণ বা নিৰাপত্তাৰ ওপৰত আন একোৱেই নহয়।

ন্যায়াধীশে কয় যে এই আবেদন ভাৰতীয় দণ্ডবিধিৰ ২২৬ ধাৰাত পৰে। কিন্তু শিশুটিৰ কম বয়সকে ধৰি কিছুমান বিশেষ কাৰক মনত ৰাখি এই ধাৰাত এই আবেদনখন গ্ৰহণ নকৰাটোৱেই ভাল।

লগতে পঢ়কঃ অসমত নতুন নিয়ম! এন আৰ চিৰ বাবে আবেদন কৰা নাথাকিলে নাপাব আধাৰ কাৰ্ড!

আদালতে কয়, “শিশুটোৱে এবছৰতকৈও অধিক সময় ধৰি দেউতাক বা সেই পৰিয়ালৰ কাকো দেখা নাই। এনেক্ষেত্ৰত যদি সি যাৰ সৈতে ডাঙৰ হৈছে তেওঁৰ পৰা আঁতৰাই নতুন ঠাইত ৰখা হয়, তেন্তে শিশুটিয়ে একো বুজি নাপাব।” আদালতে কয় যে পিতৃয়ে ১৫ দিনত এবাৰ শিশুটিক লগ কৰিব পাৰিব।