অসম চৰকাৰে আধাৰ কাৰ্ড প্ৰদানৰ নিয়ম কটকটীয়া কৰিবলৈ চেষ্টা কৰিছে। অবৈধ অনুপ্ৰৱেশকাৰীক চিনাক্ত কৰিবলৈ ৰাজ্যত আধাৰ কাৰ্ড প্ৰদানৰ বাবে এন আৰ চিৰ বাবে আবেদন বাধ্যতামূলক কৰা হৈছে। মুখ্যমন্ত্ৰী হিমন্ত বিশ্ব শৰ্মাই শনিবাৰে এই সিদ্ধান্তৰ কথা ঘোষণা কৰে।
মুখ্যমন্ত্ৰী হিমন্তই কয়, ‘আধাৰ কাৰ্ডৰ বাবে আবেদন কৰাটো কেৱল নাগৰিক হিচাপে নথিভুক্ত হোৱাৰ বাবে আবেদন কৰা নহয়। ইয়াৰ ভিতৰত আছে বহু সন্দেহযুক্ত নাগৰিক। সেইবাবেই আমি সিদ্ধান্ত লৈছো এতিয়াৰে পৰা আধাৰ কাৰ্ডৰ বাবে এন আৰ চিৰ আবেদনৰ ৰচিদ নম্বৰ দিব লাগিব।”
মুখ্যমন্ত্ৰীৰ দাবী, অবৈধ অনুপ্ৰৱেশকাৰী চিনাক্তকৰণৰ বাবেই এই সিদ্ধান্ত লোৱা হৈছে। তেওঁৰ মতে “অসমত এতিয়া আৰু আধাৰ কাৰ্ড পোৱাটো সহজ নহ’ব।”
লগতে পঢ়কঃ পেৰালিম্পিকত ‘বিতৰ্কিত পতাকা’ লৈ উল্লাস, সেয়ে বাতিল ইৰাণী খেলুৱৈ? জেভেলিনত স্বৰ্ণ জয় ভাৰতীয়ৰ!
বহু দিনৰ পৰা অসমৰ কেইবালাখো লোক আধাৰ কাৰ্ডৰ সমস্যাত আৱদ্ধ হৈ আছে। ২০১৮ চনত অসমৰ এন আৰ চিৰ খচৰা প্ৰকাশ পাইছিল। প্ৰায় ৪০ লাখ লোকৰ নাম বাদ পৰিছিলল। পিছৰ বছৰ যেতিয়া চূড়ান্ত খচৰা প্ৰকাশ পালে তেতিয়া দেখা গ’ল যে কমেও ২০ লাখ লোক বাদ পৰিছে।
এন আৰ চিৰ প্ৰথম খচৰাত নাম নথকাৰ ভিত্তিত বায়’মেট্ৰিক লক থকাৰ বাবে তেওঁলোক চৰকাৰী সুবিধাৰ পৰা বঞ্চিত হয়। এতিয়াও অসমৰ প্ৰায় ৯.৫৫ লাখ নাগৰিকৰ বায়’মেট্ৰিক লক আছে। হিমন্তই তেওঁলোকৰ বাবে এটা ভাল খবৰ দিছে। তেওঁ কয় যে এই ৯.৫ লাখ লোকে আধাৰ কাৰ্ড পাবলৈ এন আৰ চি আবেদনৰ ৰচিদ নম্বৰ দিব নালাগে।
উল্লেখ্য যে এন আৰ চি সন্দৰ্ভত উচ্চতম ন্যায়ালয়ৰ নিৰ্দেশ অনুসৰি চূড়ান্ত এন আৰ চিত নাম থকা সকলোৱে আধাৰ পাব আৰু নাম নথকাসকলে বিদেশী ন্যায়াধিকৰণৰ বিচাৰৰ আওতাত সেয়া পাব।
লগতে পঢ়কঃ কিছুমান খাদ্যই বৃদ্ধি কৰিছে কিডনীৰ জটিলতা; জানি লওক কি খাদ্য খাব আৰু কি নাখাব!
কিন্তু দেখা গৈছে যে এন আৰ চিত নাম নথকা সত্ত্বেও বহু লোকে আধাৰ কাৰ্ড লাভ কৰিবলৈ সক্ষম হৈছে। মুখ্যমন্ত্ৰী হিমন্তৰ দাবী যে এতিয়া সেইটো বন্ধ কৰিবলৈ তেওঁ চেষ্টা কৰিছে।
