মহাৰাষ্ট্ৰৰ নৱ নিযুক্ত সাংস্কৃতিক পৰিক্ৰমা মন্ত্ৰী তথা ভাৰতীয় জনতা পাৰ্টিৰ নেতা সুধীৰ মুঙ্গন্তিৱাৰে কয় যে কাৰ্যালয়ত ফোন কল পোৱাৰ সময়ত ৰাজ্য চৰকাৰৰ সকলো বিষয়াই নমস্কাৰৰ সলনি ‘বন্দে মাতৰম’ ক’বলৈ কৈছে।
তেওঁ কয় ’আমি স্বাধীনতাৰ ৭৬ সংখ্যক বৰ্ষত প্ৰৱেশ কৰিছো। আমি অমৃত মহোৎসৱ (স্বাধীনতাৰ) উদযাপন কৰি আছো। সেয়েহে মই বিচাৰো যে বিষয়াসকলে নমস্কাৰৰ সলনি ফোনত “বন্দে মাতৰম’ কওঁক”।
তেওঁ কয় যে ১৮ আগষ্টৰ ভিতৰত এই বিষয় এখন আনুষ্ঠানিক চৰকাৰী নিৰ্দেশনা প্ৰকাশ কৰা হ’ব।
সাংস্কৃতিক পৰিক্ৰমা দপ্তৰৰ দায়িত্ব লাভ কৰাৰ পিছত এয়া মুঙ্গন্তিৱাৰৰ প্ৰথম চৰকাৰী সিদ্ধান্ত। উদ্ধৱ ঠাকৰেৰ নেতৃত্বত শিৱসেনাৰ পৰা বিচ্ছিন্ন হৈ বিজেপিৰ সমৰ্থনত ক্ষমতালৈ অহা মুখ্যমন্ত্ৰী একনাথ চিন্দেৰ চৰকাৰত বিজেপিয়ে কেইবাটাও গুৰুত্বপূৰ্ণ দপ্তৰ লাভ কৰিছে। তাৰে ভিতৰত মুঙ্গন্তিৱাৰৰ দপ্তৰো এটা ।