পোনুং ডোমিং সেনাৰ লেফটেনেন্ট কৰ্ণেল পদত অধিষ্ঠিত হোৱা অৰুণাচল প্ৰদেশৰ প্ৰথমগৰাকী মহিলা হিচাপে পৰিগণিত হৈছে।
ডোমিঙৰ এই ঐতিহাসিক কৃতিত্বৰ বাবে ৰাজ্যখনৰ মুখ্য মন্ত্ৰী পেমা খাণ্ডুৱে টুইট কৰি তেওঁক অভিনন্দন জনাইছে। লগতে তেওঁৰ ফটোও শ্বেয়াৰ কৰিছে।
ভাৰতীয় সেনাৰ লেফটেনেন্ট কৰ্ণেল পদ লাভ কৰা তেওঁ হৈছে অৰুণাচল প্ৰদেশৰ প্ৰথমগৰাকী মহিলা সেনা বিষয়া।
A proud moment for all of us…
Major #PonungDoming creates history. She is first woman Army officer from #Arunachal to be elevated to the rank of Lieutenant Colonel in the #IndianArmy.
Hearty congratulations and best wishes! @adgpi pic.twitter.com/O33LbNWTsL
— Pema Khandu (@PemaKhanduBJP) September 23, 2019
মুখ্য মন্ত্ৰী পেমা খাণ্ডুৱে টুইটত কয়,’’আমাৰ বাবে গৌৰৱৰ মুহূৰ্ত। মেজৰ পোনুং ডোমিঙে ইতিহাস ৰচিলে। তেওঁ অৰুণাচল প্ৰদেশৰ পৰা ভাৰতীয় সেনাত লেফটেনেন্ট কৰ্ণেল পদ পৰ্যন্ত লাভ কৰা প্ৰথম গৰাকী মহিলা সেনা বিষয়া।‘’
মহিলাক সশস্ত্ৰ বাহিনীত কেৱল বিষয়াৰ পদতহে ভৰ্তি কৰোৱা হয়। চৰকাৰৰ ফালৰ পৰা যোৱা বছৰ সংসদত দিয়া তথ্য অনুসৰি সেনাত মাত্ৰ ৩.৮০ শতাংশহে মহিলা বিষয়া আছে।
কেন্দ্ৰীয় চৰকাৰে লোকসভাত এক লিখিত উত্তৰত জানিব দিছিল যে ভাৰতীয় নৌসেনাত মহিলাৰ বি,য়াৰ সংখ্যা ছয় শতাংশ আৰু ভাৰতীয় বায়ুসেনাত মহিলাৰ বিষয়া ১৩.০৯ শতাংশ আছে।
অৰুণাচল প্ৰদেশৰ পোনুং ডোমিং পূব ছিয়াং জিলাৰ পাছিঘাটৰ জিটিচিৰ বাসিন্দা। তেওঁ পৰিয়ালৰ চাৰিগৰাকী ভাই-ভনীৰ ভিতৰত সকলোতকৈ ডাঙৰ।
চৰকাৰী বিদ্যালয়ত পঢ়াশুনা কৰা ডোমিঙে সৰুৰে পৰাই সেনা বিষয়া হোৱাৰ সপোন দেখিছিল।
Now this is a real empowered and daring woman!
Major #PonungDoming creates history. She is first woman Army officer from #Arunachal to be elevated to the rank of Lieutenant Colonel in the #IndianArmy.
Hearty congratulations and best wishes! pic.twitter.com/duvB3MRonA
— Ajit Doval (@AjitKDoval_NSA) September 23, 2019
সোমবাৰে পোনুং ডোমিঙৰ এই কৃতিত্বৰ কথা টুইটাৰ যোগে জানিব দি ৰাষ্ট্ৰীয় নিৰাপত্তা উপদেষ্টা অজিত ডোভালে কয়,’’এতিয়া এয়া এক প্ৰকৃত সবলীকৰণ আৰু বীৰাংগনা মহিলা!’’
‘’মেজৰ পোনুং ডোমিঙে ইতিহাস সৃষ্টি কৰিলে। ভাৰতীয় সেনাত লেফটেনেন্ট কৰ্ণেল পদলৈ উন্নীত হোৱা অৰুণাচলৰ তেওঁ প্ৰথমগৰাকী মহিলা সোনা বিষয়া,’’-তেওঁ কয়।