হাজাৰ হাজাৰ ক’ভিড ভেকচিন ভস্মীভূত কৰা হৈছে এখন দেশত।
পূব আফ্ৰিকাৰ এখন দেশ মালাৱীত ১৯৬১০ টা অষ্ট্ৰঝেনেকা ভেকচিন স্বাস্থ্য কৰ্তৃপক্ষই ভস্মীভূত কৰে।
অৱশ্যে উক্ত ভেকচিনসমূহ ম্যাদ উকলি যোৱা।
ম্যাদ উকলি যোৱাৰ বাবেই ভেকচিনসমূহ জ্বলাই দিয়া হয় যাতে জনসাধাৰণে ভেকচিন সম্পৰ্কে আশ্বস্ত হ’ব পাৰে।
দেশখনত ভেকচিন গ্ৰহণ কৰা লোকৰ সংখ্যা কম আৰু স্বাস্থ্য কৰ্তৃপক্ষই আশা কৰে যে এই পদক্ষেপৰ ফলত ভেকচিন সম্পৰ্কে সাধাৰণ জনতাৰ মাজত বিশ্বাস বৃই পাব।
দেশখনত ১৮ মিলিয়ন জনসংখ্যা আছে।
ইয়াৰে ৩৪,২৩২জন লোক ক’ভিডত আক্ৰান্ত হৈছে।
আনহাতে, মৃত্যু হৈছে ১,১৫৩ জন লোক।
দেশখনে ২৬ মাৰ্চত আফ্ৰিকান ইউনিয়নৰ পৰা ১০২,০০০ পালি অষ্ট্ৰঝেনেকা ভেকচিন লাভ কৰিছিল।
ইতিমধ্যে প্ৰায় ৮০ শতাংশ ভেকচিন প্ৰদান কৰা হৈছে।
কিন্তু বাকী থাকি যোৱা ২০ শতাংশ ভেকচিন ভস্মীভূত কৰা হৈছে এইবাবেই যে ভেকচিনসমূহৰ ম্যাদ উকলা তাৰিখ আছিল ১৩ এপ্ৰিল।
এই ম্যাদ উকলা ভেকচিন ল’বলৈ দেশখনৰ লোকসকল অমান্তি হোৱাৰ বাবে ৰাজহুৱাকৈ এইসমূহ ভস্মীভূত কৰা হয়।
এনে পদক্ষেপ লোৱা দেশৰ ভিতৰত মালাৱীয়েই প্ৰথম।
উল্লেখযোগ্য যে বিশ্ব স্বাস্থ্য সংস্থা, আফ্ৰিকান ইউনিয়নৰ লগতে ভাৰতেও দেশখনক ভেকচিন প্ৰদান কৰিছিল।