পানীৰ তলত নৃত্য! কথাষাৰ ভাবিবলৈ আচৰিত যেন লাগে যদিও এনে আচৰিত কামেই কৰি সকলোকে হতভম্ব কৰি তুলিছে এজন ভাৰতীয় যুৱকে।
ইণ্ডিয়া গ’ট টেলেণ্টৰ প্ৰতিযোগী এই যুৱক জনৰ নাম জয়দীপ গোহিল।
ইঞ্জিনিয়াৰিঙৰ ছাত্ৰ জয়দীপৰ ঘৰ গুজৰাটৰ ৰাজকোটত।
সৰুৰে পৰাই সচৰাচৰ আনে নকৰা অদ্ভুত কাম কৰাৰ দুৰ্বাৰ হেঁপাহ থকা জয়দীপ এতিয়া ভাৰতৰ হাইড্ৰমেন হিচাবে খ্যাত হৈ পৰিছে।
View this post on Instagram
India Waale..??..#hydroman #feelkaroreelkaro #feelitreelit #underwaterdance
পানীৰ তলত সুন্দৰ ভংগীমাৰে নৃত্য পৰিবেশন কৰি জয়দীপে সকলোকে আচৰিত কৰি দিছে।
সৰুৰে পৰাই জয়দীপে পানীৰ তলত কিদৰে নৃত্য কৰিব পাৰি তাৰ কৌশল আয়ত্ব কৰাত ব্যস্ত হৈ পৰিছিল।
স্কুলত পঢ়ি থাকোতে ঘৰৰ কাষৰে ছুইমিং পুল এটাত জয়দীপে আৰম্ভ কৰিছিল এই অদ্ভুত কলাৰ প্ৰশিক্ষণ।
ইণ্ডিয়া গ’ট টেলেণ্টৰ ষষ্ঠ ৰাউণ্ডলৈ উধাবলৈ সক্ষম হোৱা জয়দীপে এতিয়া পানীৰ তলত কিদৰে নিখুঁত ভাবে নাচিব পাৰি তাৰ সাধনাতেই ব্যস্ত।
শেহতীয়াকৈ জয়দীপে তেওঁৰ ইনষ্টাগ্ৰামত মুকলি কৰি পানীৰ তলত হিন্দী গীতৰ লহৰে লহৰে নৃত্য কৰাৰ এক ভিডিঅ’।
এই ভিডিঅ’ই দেশৰ লগতে বিদেশৰো নেটিজেন সকলৰ চকু থৰ লগাবলৈ সক্ষম হৈছে।