উত্তৰ প্ৰদেশত ফোন চাৰ্জ কৰাৰ অজুহাতত ঘৰত প্ৰৱেশ কৰি নাবালিকাক ধৰ্ষণ
ধোৱা চাঙত উঠিছে প্ৰধানমন্ত্ৰী নৰেন্দ্ৰ মোদীৰ বেটী বচাও বেটী পঢ়াও অভিযানৰ শ্লগান। আকৌ খোদ বিজেপি শাসিত ৰাজ্যতে ধৰ্ষণৰ বলি হৈছে ১৫ বছৰীয়া এগৰাকী নাবালিকা।
বুধবাৰে আৰক্ষীয়ে জনোৱা মতে, এগৰাকী ১৫ বছৰীয়া কিশোৰীক মোবাইল চাৰ্জ কৰাৰ অজুহাতত ঘৰত প্ৰৱেশ কৰি পৰিয়ালৰ চিনাকি এজন লোকে ধৰ্ষণ কৰে।
এই জঘন্য ঘটনাটো হৈছে যোগী আদিত্যনাথৰ শাসিত উত্তৰ প্ৰদেশত। ৰাজপুৰা অঞ্চলৰ এখন গাঁৱত মঙলবাৰে নিশা ছোৱালীজনী ঘৰতে অকলে আছিল। অকলে থকাৰ সুযোগ গ্ৰহণ কৰি এগৰাকী পৰিচিত লোকে ঘৰত মোবাইল চাৰ্জ দিয়াপ অজুহাতেৰে ঘৰত প্ৰৱেশ কৰি এই জঘন্য কাণ্ড সংঘটিত কৰে।
চক্ৰ বিষয়া আলোক সিদ্ধুৱে জানিবলৈ দিয়া মতে ইতিমধ্যে ঘটনা সন্দৰ্ভত চিত্ৰেশ নামৰ অভিযুক্তৰ বিৰুদ্ধে এফআইআৰ ৰুজু কৰা হৈছে।
ঘটনাৰ সময়ত ছোৱালীজনীৰ পৰিয়ালৰ লোকে নিজৰ কৃষি পথাৰত কাম কৰি ওভতি আহিছিল বুলি আৰক্ষীয়ে জানিবলৈ দিয়ে।
আৰক্ষী অধীক্ষক কুলদীপ সিং গুনাৱাটে কয় যে পলাতক অভিযুক্তক গ্ৰেপ্তাৰ কৰাৰ বাবে আৰক্ষীয়ে অভিযান অব্যাহত ৰাখিছে।