মহাৰাষ্ট্ৰৰ কোলহাপুৰত সংঘটিত হৈছে এক পথ দুৰ্ঘটনা। অফিচলৈ গৈ থকাৰ সময়তে হঠাতে এজন লোকৰ হাৰ্ট এটেক হয়। গাড়ী চলাই তেওঁ অফিচলৈ গৈ থকা অৱস্থাত নিয়ন্ত্ৰণ হেৰুৱাই আন কেইবাখনো গাড়ীতো খুন্দা মাৰে। এই ঘটনাত তেওঁৰ মৃত্যু হয়।
আৰক্ষীৰ সূত্ৰৰ পৰা জানিব পৰা মতে, শনিবাৰে পুৱা ধীৰাজ পাটিল (৫৫) নামৰ লোকজনে নিজৰ মৰিছ গেৰেজ উইণ্ডচৰ গাড়ীখন চলাই কামলৈ গৈ আছিল।
এখন ফ্লাই অভাৰৰ কাষ চাপি অহাৰ লগে লগে হঠাতে তেওঁৰ হাৰ্ট এটেক হয়। ফলত গাড়ীৰ নিয়ন্ত্ৰণ হেৰুৱাই পেলায়। ইয়াৰ পিছতে গাড়ীখনে এখন অটোৰিক্সা, এখন গাড়ী, এখন মটৰ চাইকেলকে ধৰি কেইবাখনো বাহনত খুন্দা মাৰে। কমেও ১০খন বাহনৰ ক্ষতি হোৱা বুলি জানিব পৰা গৈছে।
সমগ্ৰ ঘটনাটো চিচিটিভি কেমেৰাত বন্দী হৈছে। প্ৰথমে আৰক্ষীয়ে দুৰ্ঘটনাৰ কাৰণ নিৰ্ণয় কৰিব পৰা নাছিল যদিও পিছত চালকজনৰ মৃতদেহৰ মৰণোত্তৰ পৰীক্ষা সম্পন্ন কৰা হয়।
জনা গৈছে যে তেওঁৰ হাৰ্ট এটেক ঘটিছিল যাৰ ফলত দুৰ্ঘটনা সংঘটিত হৈছিল।
