জাৰ্মানীৰ ৬২ বছৰীয়া এজন ব্যক্তিয়ে এবাৰ-দুবাৰ নহয়, মুঠ ২১৭ বাৰকৈ কৰ’না ভেকচিন গ্ৰহণ কৰিছিল। জাৰ্মানীৰ চিকিৎসকে জানিবলৈ দিয়া মতে চিকিৎসা সম্পৰ্কীয় পৰামৰ্শক আওকাণ কৰি তেওঁ নিজেই এই কাম কৰিছিল।
এই অদ্ভুত পৰিঘটনাটো বিশ্ববিখ্যাত লেন্সেট এফেকটিভ ডিজিজেছ জাৰ্নেলত নথিভুক্ত কৰা হৈছে। কোৱা হৈছে যে ব্যক্তিজনে কৰ’না ভেকচিন কিনি ব্যক্তিগতভাৱে দেহত প্ৰয়োগ কৰিছিল। ২৯ মাহৰ ভিতৰত এটা এটাকৈ ২১৭টা ভেকচিন গ্ৰহণ কৰিছে। অৱশ্যে তেওঁৰ পৰিচয় প্ৰকাশ কৰা হোৱা নাই।
ইমানবোৰ ভেকচিন লোৱাৰ পিছতো তেওঁ একেবাৰে সুস্থ। এৰলাংগেন-নুৰেমবাৰ্গ বিশ্ববিদ্যালয়ৰ গৱেষকসকলে কয় যে ব্যক্তিজনৰ শৰীৰত কোনো ধৰণৰ প্ৰতিক্ৰিয়া দেখা পোৱা নগ’ল। তেওঁ কোনো কষ্ট ভোগ কৰিবলগীয়া হোৱা নাছিল।
লগতে পঢ়কঃ লাচিতৰ প্ৰতিমূৰ্তি উন্মোচন! প্ৰধানমন্ত্ৰীৰ অসম ভ্ৰমণৰ দিনা কা-বিৰোধী প্ৰতিবাদ নকৰে আছুৱে
বিশ্ববিদ্যালয়খনৰ মাইক্ৰ’বায়’লজী বিভাগৰ ড. কিলিয়ান ছ’বেৰে কয়, ‘আমি বাতৰি কাকত পঢ়ি এই ঘটনাৰ বিষয়ে জানিব পাৰোঁ। পিছত আমি সেই ব্যক্তিজনৰ সৈতে যোগাযোগ কৰোঁ। আমি তেওঁক বিশ্ববিদ্যালয়লৈ বিভিন্ন শাৰীৰিক পৰীক্ষাৰ বাবে মাতিছিলো। তেওঁ আমাৰ আহ্বানৰ প্ৰতি অতি আগ্ৰহেৰে সঁহাৰি জনাইছিল।
পিছত লোকজনে তেজ আৰু লালাৰ নমুনা দিয়ে। ইয়াৰ উপৰিও গৱেষকসকলে তেওঁৰ ফ্ৰ’জেন তেজৰ নমুনাও পৰীক্ষা কৰিছিল যিবোৰ আগতে জমা হৈ আছিল। যোৱা কেইবছৰমানৰ পৰা তেওঁৰ পৰা এই তেজৰ নমুনা সংগ্ৰহ কৰা হৈছিল।
ডাঃ ড. কিলিয়ানে কয় যে আমি নিজেই মানুহজনৰ পৰা তেজৰ নমুনা ল’বলৈ সক্ষম হৈছিলো। আনুষংগিক গৱেষণা চলি থকাৰ সময়তে তেওঁ নিজৰ আগ্ৰহেৰে কৰ’না ভেকচিন লৈছে।
লগতে পঢ়কঃ‘গাদ্দাৰ’ হিমন্ত! পৱন খেৰাৰ দাবী, মধ্যপ্ৰদেশৰ ‘মামা’ৰ গতিয়েই গতি হ’ব অসমৰ ’মামা’ৰ
এই গৱেষকজনে লগতে কয় যে কৰ’না টিকাকৰণৰ পিছত শৰীৰৰ ৰোগ প্ৰতিৰোধ ক্ষমতাই কেনে প্ৰতিক্ৰিয়া কৰে সেই সম্পৰ্কে গৱেষণাত ব্যক্তিজনৰ নমুনা ব্যৱহাৰ কৰা হৈছে। আশ্চৰ্যজনকভাৱে ২১৭টা টিকাকৰণৰ আগে-পিছে ব্যক্তিজন কেতিয়াও কৰ’নাত আক্ৰান্ত হোৱা নাছিল।
