মণিপুৰত ৪৪৯ গৰাকীলৈ বৃদ্ধি পালে কোভিড-১৯ত আক্ৰান্তৰ সংখ্যা
মণিপুৰত কোভিড-১৯ত আক্ৰান্ত লোকৰ সংখ্যা ৪৪৯ গৰাকীলৈ বৃদ্ধি পাইছে। শনিবাৰে ৰাজ্যখনত ৬৪টা কোভিড পজিটিভ কেচ ধৰা পৰে।
কালি ধৰা পৰা ৬৪ গৰাকী আক্ৰান্তৰ ২৮ গৰাকী পুৰুষ আৰু ৩৬ গৰাকী মহিলা। ৰাজ্যখনৰ কোভিড-১৯ কমন কণ্ট্ৰল ৰূমৰ পৰা জাৰি এখন প্ৰেছ বিজ্ঞপ্তিত এইয়া জনোৱা হয়।
প্ৰেছ বিজ্ঞপ্তিটোত লগতে জনোৱা মতে উক্ত লোকজনৰ স্বাস্থ্য বৰ্তমান ঠিকেই আছে তেওঁলোকক কোভিড কেয়াৰ ফেচিলিটিত ৰখা হৈছে।
উল্লেখযোগ্য যে মণিপুৰত বৰ্তমানলৈকে ক’ৰ’নাত আক্ৰান্ত হোৱা ৪৪৯ গৰাকী ব্যক্তিৰ ৯১ গৰাকী সু্স্থ হৈ উঠিছে আৰু ৩৫৮ গৰাকী চিকিৎসাধীন হৈ আছে।
শনিবাৰে ৰাজ্যখনৰ মুখ্য মন্ত্ৰী এন বিৰেণ সিঙৰ অধ্যক্ষতাত ইম্ফলত কোভিড-১৯ৰ বিভিন্ন দিশ এখন গুৰুত্বপূৰ্ণ বৈঠক অনুষ্ঠিত হয়।
শেহতীয়া তথ্য মতে এই পৰ্যন্ত ৰাজ্যখনত ২৫,৬২৮ গৰাকী লোকৰ কোভিড-১৯ টেষ্ট কৰাৰ বিপৰীতে ৰাজ্যখনৰ বিভিন্ন প্ৰৱেশ পইণ্টত ২,৬৬,৬৩৪ গৰাকী ব্যক্তিৰ স্ক্ৰিনিং টেষ্ট কৰা হৈছে।