বাংলাদেশৰ প্ৰাক্তন অধিনায়ক মোশ্ৰাফী মোৰ্তাজাৰ শৰীৰত ক’ৰ’না ভাইৰাছৰ উপস্থিতি ধৰা পৰিছে।
ক’ৰ’না আক্ৰান্ত বাংলাদেশৰ ৩৬ বছৰীয়া অলৰাউণ্ডাৰ গৰাকী বৰ্তমান নিজ গৃহতে আইছ’লেশ্যনত থাকি চিকিৎসা গ্ৰহণ কৰি আছে।
”তেওঁ কিছুদিন পূৰ্বৰে পৰা অসুস্থ হৈ আছিল, যাৰ বাবে তেওঁক ক’ৰ’নাৰ পৰীক্ষা কৰা হয় আৰু পৰীক্ষাত ফলাফল পজিটিভ আহে। বৰ্তমান মোৰ্টাজা হোম কোৱাৰেণ্টাইনতে আছে,” মোশ্ৰাফী মোৰ্তাজাৰ ভাতৃ মোৰ্চালিনে এক সাক্ষাৎকাৰত এইদৰে উল্লেখ কৰে।
বাংলাদেশৰ প্ৰাক্তন অপেনিং বেটছমেন নাফিজ ইকবালো ক’ৰ’না ভাইৰাছৰ দ্বাৰা আক্ৰান্ত হৈছিল।
উল্লেখযোগ্য যে, পাকিস্তানৰ প্ৰাক্তন ক্ৰিকেটাৰ শ্বাহিদ আফ্ৰিডিয়ো ক’ৰ’না ভাইৰাছৰ দ্বাৰা সংক্ৰমিত হৈ চিকিৎসা গ্ৰহণ কৰি আছে।
পাকিস্তানত দুগৰাকী প্ৰাক্তন ক্ৰিকেটাৰৰ ক’ৰ’নাৰ সংক্ৰমণৰ ফলত মৃত্যু হৈছিল।
আনহাতে, ভাৰতীয় ক্ৰিকেট নিয়ন্ত্ৰণ বোৰ্ডৰ অধ্যক্ষ সৌৰভ গাংগুলীৰ পৰিয়ালৰ লোকৰ শৰীৰতো ক’ৰ’নাৰ উপস্থিতি ধৰা পৰিছে।
