দিল্লী চহৰ আটাইতকৈ বেছি হত্যাৰ ঘটনা হোৱা ঠাই হিচাপে পৰিগণিত হোৱাৰ পিছতে দেশৰ তথ্য প্ৰযুক্তিৰ ৰাজধানী বাংগালুৰু চাইবাৰ অপৰাধৰ মূখ্য কেন্দ্ৰ হিচাপে পৰিগণিত হৈছে।
দেশৰ চহৰসমূহৰ ভিতৰত বাংগালুৰুত সৰ্বাধিক চাইবাৰ অপৰাধৰ গোচৰ পঞ্জীয়ন হৈছে।
বাংগালুৰু ২০২০ বৰ্ষৰ সৰ্বাধিক চাইবাৰ অপৰাধৰ গোচৰ পঞ্জীয়ন হোৱা চহৰৰ শীৰ্ষত আছে ।পৰিতাপৰ কথা যে একে সময়তে এতিয়ালৈকে এটা গোচৰতো এজনো দোষী সাব্যস্ত হোৱা নাই।
ৰাষ্ট্ৰীয় অপৰাধ পঞ্জীয়ন সংস্থা (National Crime Registered Bureau ) চমুকৈ এন চি আৰ বি য়ে প্ৰকাশ কৰা ২০২০ বৰ্ষৰ ভাৰতৰ অপৰাধৰ তথ্যা অনুসাৰি চাইবাৰ অপৰাধৰ সংখ্যাই ১৮,৬৫৭ আৰু ইয়াৰ ৪৭% অৰ্থাৎ ৮৮৯২ টা গোচৰেই হৈছে বাংগালুৰুৰ।
অৱশ্যে দেশৰ সৰ্বাধিক চাইবাৰ অপৰাধৰ ঘটনা সংঘটিত ৰাজ্য সমূহৰ ভিতৰত শীৰ্ষত আছে উত্তৰ প্ৰদেশ।
পূৰ্বৰ বৰ্ষৰ তুলনাত বাংগালুৰু চহৰত চাইবাৰ অপৰাধৰ ঘটনা হ্ৰাস পায় । ২০১৯ ত চহৰখনত ১০৫৫৫ টা গোচৰ পঞ্জীয়ন কৰাৰ পৰিৱৰ্তে পৰৱৰ্তী বৰ্ষত ৫২৩৫ টা গোচৰ পঞ্জীয়ন কৰে।
তাৎপৰ্যপূৰ্ণ যে কৰ্ণাটকত বৰ্তমানলৈকে কোনো ব্যক্তিকে দোষী সাব্যস্ত কৰা নাই। এন চি আৰ বিৰ তথ্য অনুসৰি আৰক্ষীয়ে ৩২৯৮ টা গোচৰ নিষ্পত্তি কৰে তৎস্বত্তেও ২২৮০৯ টা গোচৰ তদন্তৰ আপেক্ষাত। ২০২০ ত ৰুজু হোৱা গোচৰ সমূহৰ ২৫৮৩টা গোচৰৰ অভিযোগনামা দাখিল কৰে।
ভাৰতত সৰ্বাধিক চাইবাৰ অপৰাধৰ ঘটনা বাংগালুৰুত পঞ্জীয়ন হৈছে। প্ৰতিবেদন অনুসৰি চহৰ খনত ঠগ- প্ৰবঞ্চনা চাইবাৰ অপৰাধৰ মূখ্য কাৰণ হিচাপে অৱগত কৰে। পঞ্জীকৃত গোচৰ সমূহৰ ৮৩১৮ টা গোচৰ ঠগ- প্ৰবঞ্চনাৰ সৈতে জড়িত। ৮৩টা ব্যক্তিগত প্ৰতিশোধ সম্বন্ধিত, ৩৬২টা সন্মান হানি সম্পৰ্কীয়, ৮৯ টা যৌনতা সম্পৰ্কীয়, ৫টা ৰাজনৈতিক প্ৰতিশোধ আৰু অন্যান্য।
দেশৰ ১৯ খন মহানগৰৰ ভিতৰত দিল্লীৰ পাছতেই দ্বিতীয় সৰ্বাধিক হত্যাৰ ঘটনা বাংগালুৰুত সংঘটিত হৈছে। আনহাতে মুম্বাইত তৃতীয় সৰ্বাধিক হত্যাৰ ঘটনা সংঘটিত হয়।
এন চি আৰ বিৰ তথ্য অনুসৰি বাংগালুৰুত ধাৰা ৩০২ অনুসৰি ১৭৯টা হত্যাৰ ঘটনা ৰুজু হয় আৰু ১৯১ জন লোকে প্ৰাণ হেৰুৱায়। ৪৬১টা গোচৰ আৰু ৪৭৬ জন পিড়িতৰ সৈতে দিল্লী তালিকাৰ শীৰ্ষত আছে। মুম্বাইত ইয়াৰ পৰিমাণ এনেধৰণৰ, ১৪৮ টা গোচৰ আৰু ১৪৯ ভুক্তভোগী।
২০১৯ ৰ তুলনাত ১% (২৮৯১৫)বৃদ্ধিৰে সৰ্বত্ৰ ভাৰতত ২০২০ চনত ২৯১৯৩ টা হত্যাৰ গোচৰ পঞ্জীয়ন কৰা হয় ।
পথ দুৰ্ঘটনা সম্বন্ধিত অৱহেলাৰ কাৰণে মৃত্যৰ ক্ষেত্ৰতো এই তিনিখন চহৰ শীৰ্ষত আছিল। ২০২০ বৰ্ষত এনেধৰণৰ ৬৩৫টা ঘটনাৰ গোচৰ পঞ্জীয়ন হৈছিল আৰু ৬৭৪ জন লোকে প্ৰাণ হেৰুওৱাইছিল