‘গাৰো লেবাৰ কৰ্পছ ডে’ উপলক্ষে মেঘালয়ত প্ৰথম বিশ্ব যুদ্ধৰ নায়ক সকলক শ্ৰদ্ধা জ্ঞাপন
মেঘালয়ৰ মুখ্য মন্ত্ৰী কনৰাড চাংমাই বৃহস্পতিবাৰে ‘গাৰো লেবাৰ কৰ্পছ ডে’ উপলক্ষে প্ৰথম বিশ্ব যুদ্ধৰ নায়ক সকলক শ্ৰদ্ধা জ্ঞাপন কৰে।
”প্ৰথম বিশ্ব যুদ্ধৰ সময়ত ফ্ৰাঞ্চত সেৱা আগবঢ়োৱা গাৰো পূৰ্বসূৰী সকলক আজি ৬৯ সংখ্যক ‘গাৰো লেবাৰ কৰ্পছ ডে’ উপলক্ষে শ্ৰদ্ধাঞ্জলি জ্ঞাপন কৰিছো। আজিৰ দিনটো আমাৰ বীৰ সেনা সকলে বিশ্ব যুদ্ধত জয়লাভ কৰি স্বগৃহলৈ সুকলমে উভতি অহা বাবে পালন কৰা হয়,” মুখ্য মন্ত্ৰী কনৰাড চাংমাই লিখে।
আজিৰ দিনটোতে মেঘালয়ে ৫০০ গৰাকী গাৰো লোকক স্মৰণ কৰে যিসকলে ব্ৰিটিছৰ হৈ ৯৬ বছৰ আগতে প্ৰথম বিশ্ব যুদ্ধত অংশ লৈছিল।
গাৰো সকলৰ পৰা নিৰ্বাচন কৰা এই ৫০০ গৰাকী লোকক ফ্ৰাঞ্চলৈ সংযুক্ত বাহিনীৰ হৈ যুদ্ধ কৰাৰ বাবে পঠোৱা হৈছিল।
মেঘালয়ৰ তুৰাত থকা গাৰো সেনাৰ মুখ্য কাৰ্য্যালয়তে এই কাৰ্য্যসূচী অনুষ্ঠিত কৰা হয়।
গাৰো লেবাৰ কৰ্পছ ডে প্ৰতিবছৰে জুলাই মাহৰ ১৬ তাৰিখে উদযাপন কৰা হয়।