বিশ্বকাপৰ সোণালী পৰী আঁজুৰি অনাৰ পিছতেই এইবাৰ হোটেল ব্যৱাসায়ত নামিল আৰ্জেন্টিনাৰ নয়নৰ মণি লিয়নেল মেছি। এণ্ডোৰাত এখন বিলাসী হোটেল খুলিছে ফুটবলৰ যাদুকৰগৰাকীয়ে। নতুন বছৰৰ ফেব্ৰুৱাৰী মাহত এই হোটেলৰ দ্বাৰ মুকলি কৰিব মেছিয়ে।
মেছিৰ এই অত্যাধুনিক হোটেলখন বিশ্বৰ অন্যতম শ্ৰেষ্ঠ হোটেল হিচাপে পৰিগণিত হ’ব বুলি আন্তঃৰাষ্ট্ৰীয় সংবাদ মাধ্যম সমূহে খবৰ প্ৰকাশ কৰিছে।
জানিব পৰা মতে হোটেলখন ঠিক মেছিয়ে বিচৰা ধৰণে নিৰ্মাণ কৰা হৈছে।
হোটেলখনৰ মেনেজাৰ গেম্মা ৰাভাছিয়ে কয় যে আমি এইখন দেশক প্ৰথম হোটেলৰ বাবে বাছি লৈছিলো কাৰণ ইয়াৰ অধিকাংশ লোক ক্ৰীড়াপ্ৰেমী। ইয়াৰ বাহিৰে ইয়াত এই ধৰণৰ উন্নত হোটেল নাই। এই হোটেলখনত আছে আটাইতকৈ আধুনিক প্ৰযুক্তি। যাতে অতিথিসকলে ঘৰৰ আৰামত থাকিব পাৰে।
ইয়াৰ উপৰিও স্পেইনত মেছিৰ ৫ খন হোটেল। এই সকলোবোৰ হোটেলেই ব্যয়বহুল আৰু অত্যাধুনিক। কিন্তু আগৰ এই হোটেলকেইখনতকৈ মেছিৰ নতুন হোটেলখন অধিক উন্নত আৰু সুবিধাজনক হ’ব বুলি দাবী কৰিছে হোটেলখনৰ মেনেজাৰে।
