উইণ্ড’জ ১০ বন্ধ হ’লেও যিবোৰ কম্পিউটাৰ বা লেপটপত সেয়া আছে, সেইবোৰ তৎক্ষণাত বন্ধ হৈ নপৰে। কিন্তু সেই কম্পিউটাৰবোৰত ছিকিউৰিটি আপডেট নাহিব। এনে ক্ষেত্ৰত এই ডিভাইচবোৰ ক্ৰমান্বয়ে বাতিল হোৱাৰ তালিকাত যাব।
এনে পৰিস্থিতিত বিশ্বত ৪৮ কোটি কিলোগ্ৰাম ওজনৰ ২৪ কোটি কম্পিউটাৰ বা লেপটপ ই-ৱেষ্ট হৈ পৰিব। গড় হিচাপত সমগ্ৰ বিশ্বতে ৩ লাখ ২০ হাজাৰ গাড়ীৰ ওজনৰ সমান কম্পিউটাৰ অসাৰ হৈ পৰিব।
লগতে পঢ়কঃ আলফা স্বাধীনত যোগদান সন্দৰ্ভত ফেচবুক পোষ্ট : তামুলপুৰত গ্ৰেপ্তাৰ যুৱক
জনা গৈছে যে মাইক্ৰ’ছফটে ২০২৮ চনৰ অক্টোবৰলৈকে ফিক্সড চাৰ্জৰ বিনিময়ত উইণ্ড’জ ১০ ডিভাইচৰ ছিকিউৰিটি আপডেট প্ৰদান কৰিব। কিন্তু তাৰ পিছত তেওঁলোকে এই সকলোবোৰ কম্পিউটাৰ বা লেপটপত ছিকিউৰিটি আপডেট প্ৰদান নকৰে।
চাৰি বছৰৰ সুৰক্ষা আপডেটৰ খৰচৰ লগত আৰু অলপ যোগ দিলে হয়তো এটা নতুন ডিভাইচ কিনিব পৰা যাব। এই পৰিস্থিতিত অহা ৪ বছৰত বহু লোকৰ মাজত নতুন কম্পিউটাৰ বা লেপটপ কিনাৰ প্ৰৱণতা থাকিব।
লগতে পঢ়কঃশৈক্ষিক উত্তৰণৰ লক্ষ্যঃ গিৰিজানন্দ চৌধুৰী বিশ্ববিদ্যালয় আৰু দিছপুৰ মহাবিদ্যালয়ৰ বুজাবুজিৰ চুক্তি
ইপিনে, ২০২৮ চনৰ অক্টোবৰলৈকে ছিকিউৰিটি আপডেট উপলব্ধ হ’লেও মাইক্ৰ’ছফটে ২০২৫ চনৰ অক্টোবৰৰ ভিতৰত উইণ্ড’জ ১০ৰ ‘ছাপোৰ্ট’ বন্ধ কৰাৰ পৰিকল্পনা কৰিছে। পৰৱৰ্তী অপাৰেটিং চিষ্টেমটো কৃত্ৰিম বুদ্ধিমত্তা প্ৰযুক্তিৰ (AI) ওপৰত নিৰ্মিত হ’ব পাৰে।
