গুৱাহাটী মহানগৰীত এগৰাকী নাবালিকা কিশোৰীক কেইবাদিনো দলবদ্ধ ধৰ্ষণ কৰাৰ খবৰ পোহৰলৈ আহিছে।
বাতৰি অনুসৰি, গুৱাহাটীৰ চন্দ্ৰপুৰ অঞ্চলত সংঘটিত হৈছে এই ঘটনা।
চন্দ্ৰপুৰ অঞ্চলৰ সমীপৰ পৰা কিশোৰীগৰাকীক অপহৰণ কৰিছিল অভিযুক্তই।
ইয়াৰ পিছতে আৰক্ষীয়ে তেওঁলোকৰ সন্ধান উলিওৱাৰ আগতে অভিযুক্ত তিনিওজনে নাবালিকাগৰাকীক চাৰিদিন ধৰি ধৰ্ষণ কৰাৰ অভিযোগ উত্থাপন হৈছে।
অভিযুক্ত তিনিজনৰ দুজনক চন্দ্ৰপুৰৰ গোবৰ্ধন পশ্চিম মায়ঙৰ বাসিন্দা দিপাংকৰ ৰায় আৰু নীলু মালো বুলি চিনাক্ত কৰা হৈছে।
আনজন অভিযুক্ত সঞ্জয় বৰ্মন এতিয়া পলাতক বুলি জানিব পৰা গৈছে।
অভিযুক্তৰ সন্ধান উলিয়াবলৈ আৰক্ষীয়ে তদন্ত আৰম্ভ কৰিছে।
আনহাতে, নাবালিকাগৰাকীক উদ্ধাৰ কৰি প্ৰয়োজনীয় সকলো চিকিৎসা সেৱা আগবঢ়োৱা হৈছে।
