টকিঅ’ অলিম্পিকত সোণৰ পদকৰ বাবে যুঁজ দিব উত্তৰ পূৰ্বাঞ্চলৰ মীৰা বাঈ চানুৱে

২০২০ চনৰ টকিঅ’ অলিম্পিকত সোণৰ পদকৰ বাবে যুঁজ কৰিব উত্ৰ পূৰ্বাঞ্চলৰ গৌৰৱ তথা দেশৰ এগৰাকী আগশাৰীৰ ৱেইট লিফটাৰ মীৰা বাঈ চানুৱে।

আজি এই কথা প্ৰকাশ কৰে ইণ্ডিয়ান ৱেইট লিফটিং ফেডাৰেছনৰ সাধাৰণ সম্পাদক সহদেৱ যাদৱে।ইণ্টাৰনেছনেল ৱেইট লিপটিং ফেডাৰেছনে টকিঅ’ অলিম্পিকত যোগদান কৰিবলগীয়া  ৱেইট লিফটাৰসকলৰ নাম তালিকা প্ৰকাশ কৰাৰ পিছতে যাদৱে এই ঘোষণা কৰে।

নাম তালিকাৰ দ্বিতীয় স্থানত আছে চানুৰ নাম।চানুৱে টকিঅ’ অলিম্পিকৰ ৪৯ কিলোগ্ৰাম শাখাত খেলিব।মীৰা বাঈ চানুৱে ৪১৩৩,৬১৭২ পইণ্ট লাভ কৰিবলৈ সক্ষম হৈছে।

Northeast Frontier Railway @RailMinIndia wishes success for its employee #TOPSAthlete weightlifter Saikhom Mirabai Chanu on the podium of #Tokyo2020 after the Absolute Ranking list published by @iwfnet where she is placed 2nd in the women’s 49 kg. pic.twitter.com/xhQVCjz8JP

— Northeast Frontier Railway (@RailNf) June 13, 2021

টকিঅ’ অলিম্পিকলৈ চানু নিৰ্বাচিত হোৱাত আনন্দ প্ৰকাশ কৰি সহদেৱ যাদৱে কৈছে যে এয়া ভাৰতৰ বাবে এক ভাল খবৰ।মীৰা বাঈ চানুৱে বিগত চাৰিটা বছৰত কঠোৰ পৰিশ্ৰম কৰিছে।

তেওঁ ভাৰতৰ বাবে ভাল ফলাফল কঢ়িয়াই আনিবলৈ সক্ষম হ’ব বুলি যাদৱে আশা প্ৰকাশ কৰে।

উল্লেখ্য ৱেইট লিফটাৰ মীৰা বাঈ চানু উত্তৰ পূৱ সীমান্ত ৰেলৱেৰ এগৰাকী কৰ্মচাৰীও।

এছিয়ান চেম্পিয়নশ্বিপত ব্ৰঞ্জৰ পদক জয় কৰি মণিপুৰৰ এইগৰাকী ২৬ বছৰীয়া খেলুৱৈয়ে অলিম্পিকৰ বাবে নিজৰ ঠাই উলিয়াই লৈছিল।