Miss Universe 2023: নিকাৰাগুৱাৰ শ্বেনিছ পেলাচিঅ’ছ-লৈ মিছ ইউনিভাৰ্ছৰ খিতাপ; শীৰ্ষ দহত স্থান নাপালে ভাৰতৰ শ্বেতাই
ভাৰতীয় সুন্দৰী শ্বেতা সাৰদাৰে শীৰ্ষ দহৰ ভিতৰত স্থান লাভ কৰিব নোৱাৰিলে। নিকাৰাগুৱাৰ শ্বেইনিছ পেলাচিঅ’ছ ২০২৩ চনৰ মিছ ইউনিভাৰ্ছৰ খিতাপ জয় কৰিলে। নিকাৰাগুৱা মধ্য আমেৰিকাৰ এখন দেশ। ইয়াৰ পৰা কোনো প্ৰতিযোগীয়ে প্ৰথমবাৰৰ বাবে মিছ ইউনিভাৰ্ছ খিতাপ দখল কৰিছে।
এইবাৰৰ মিছ ইউনিভাৰ্ছ প্ৰতিযোগিতা অনুষ্ঠিত হৈছিল মধ্য আমেৰিকাৰ ছান ছালভাডৰত। এই প্ৰতিযোগিতাত ৮৪খন দেশৰ প্ৰতিযোগীয়ে অংশগ্ৰহণ কৰে।
ভাৰতৰ পৰা প্ৰতিযোগিতাত অৱতীৰ্ণ হৈছিল চণ্ডীগড়ৰ কন্যা শ্বেতা সাৰাদাৰ। কিন্তু তেওঁ ১৩ নম্বৰ স্থানতে সমাপ্ত কৰে। নিকাৰাগুৱাৰ শ্বেনিছ পেলাচিঅ’ছ, থাইলেণ্ডৰ এণ্টনিয়া পৰ্চিল্ড আৰু অষ্ট্ৰেলিয়াৰ মৰেই উইলছনে শীৰ্ষ তিনিটা স্থান দখল কৰে।
দ্বিতীয় স্থানত এণ্টনিয়াৰ যাত্ৰাৰ অন্ত পৰিল। যোৱা বছৰৰ মিছ ইউনিভাৰ্ছ আৰ’বনি গেব্ৰিয়েলে শ্বেইনিছৰ মূৰত শ্ৰেষ্ঠত্বৰ মুকুট পিন্ধালে। বিজয়ী হিচাপে নিজৰ নাম শুনি আনন্দত আত্মহাৰা হৈ পৰে নিকাৰাগুৱাৰ সুন্দৰীগৰাকী। গোটেই হলঘৰটো হাত চাপৰিৰে ভৰি পৰে। নিকাৰাগুৱাৰ হৈ তেওঁ প্ৰথমে এই খিতাপ দখল কৰিছে।
MISS UNIVERSE 2023 IS @Sheynnispalacios_of !!!! 👑 🇳🇮@mouawad #72ndMISSUNIVERSE #MissUniverse2023 pic.twitter.com/cSHgnTKNL2
— Miss Universe (@MissUniverse) November 19, 2023
এইবাৰৰ মিছ ইউনিভাৰ্ছ প্ৰতিযোগিতাখন বেলেগ এটা কাৰণতো চৰ্চালৈ আহিছিল। কাৰণ এইবাৰ প্ৰথমবাৰৰ বাবে দুগৰাকী ৰূপান্তৰকামী প্ৰতিযোগীয়ে এনে প্ৰতিযোগিতাত অংশগ্ৰহণ কৰিছিল। পৰ্তুগালক প্ৰতিনিধিত্ব কৰিছিল মেৰিনা মেকেটে, আনহাতে ৰিকি কোলে নেদাৰলেণ্ডৰ হৈ প্ৰতিদ্বন্দ্বিতা কৰিছিল।
ইপিনে, এইবাৰ প্ৰথমবাৰৰ বাবে পাকিস্তানী সুন্দৰী এৰিকা ৰবিনে মিছ ইউনিভাৰ্ছ প্ৰতিযোগিতাত অংশগ্ৰহণ কৰাৰ সুযোগ পাইছে।