আজি দুপৰীয়া ২ বজাৰ পৰা বিশ্বকাপৰ ফাইনেল খেলাৰ বাবে খেলপথাৰত প্ৰৱেশ কৰিব ভাৰত-অষ্ট্ৰেলিয়াই। আহমেদাবাদৰ নৰেন্দ্ৰ মোডী ষ্টেডিয়ামত ভাৰতৰ হাতত তৃতীয় বিশ্বকাপ খিতাপ দখৰ প্ৰত্যাহ্বান। আনহাতে, ষষ্ঠবাৰৰ বাবে খিতাপ দখলৰ যুঁজত নামিব অষ্ট্ৰেলিয়াই।
যোৱা টী-২০ বিশ্বকাপত ইখনৰ পিছত সিখন খেল বৰষুণৰ ফলত বাধাপ্ৰাপ্ত হৈছিল। কেতিয়াবা এই বৰষুণেও সকাহৰ সমীকৰণটোও কঠিন কৰি তোলে। ফলত ৰোহিত-কামিন্সৰ মহাৰণ পানীহ’ব নেকি বুলি বহুতৰ মনত প্ৰশ্ন উঠিছে। সংৰক্ষিত দিনতো খেলখন যদি নহয়। তেন্তে কোন হ’ব বিশ্ব চেম্পিয়ন?
লগতে পঢ়কঃ ICC World Cup 2023: দ্ৰাবিড়ৰ প্ৰশংসা! ৰোহিতে ক’লে ‘মই তেওঁৰ বাবেও বিশ্বকাপ জিকিব বিচাৰো’
আইচিচিৰ নিয়ম অনুসৰি বৰষুণৰ বাবে আইচিচিয়ে ফাইনেলৰ বাবে এটা ৰিজাৰ্ভ ডে’ ৰাখিছে। ফাইনেলত বৰষুণ দিলে মেচখন ৰিজাৰ্ভ ডেলৈ যাব। দেওবাৰে যদি খেলখন সমাপ্ত কৰা সম্ভৱ নহয় তেন্তে সোমবাৰে একে স্থানৰ পৰাই মেচখন আৰম্ভ হ’ব।
যদিহে বৰষুণ বা অন্যান্য প্ৰাকৃতিক কাৰণত সোমবাৰে খেলখন সম্পূৰ্ণ নহয় তেন্তে মেচখন পৰিত্যাগ কৰা হ’ব। আৰু যদি মেচখন পৰিত্যাগ কৰা হয় তেন্তে ভাৰত আৰু অষ্ট্ৰেলিয়া যৌথ চেম্পিয়ন হ’ব।
কিন্তু ভাল খবৰটো হ’ল আজি আহমেদাবাদত বৰষুণৰ সম্ভাৱনা নাই। গোটেই দিনটো ৰ’দ থাকিব। আকাশখনো পৰিষ্কাৰ হৈ থাকিব।
