দেশজুৰি বলাৎকাৰৰ ঘটনা বৃদ্ধি পোৱাৰ কথাকলৈ প্ৰতিক্ৰিয়াৰ সৃষ্টি হৈ থকাৰ মাজতে মুম্বাই আৰক্ষীয়ে আজি ধৰ্ষণৰ ঘটনাত জৰিত থকাৰ অভিযোগতে আটক কৰে অভিনেতা মিঠুন চক্ৰৱৰ্তীৰ পুত্ৰ মহাক্ষ চক্ৰৱৰ্তীক।
আৰক্ষীয়ে পুত্ৰৰ অপকৰ্মৰ চিন-মোকাম নোহোৱা কৰাৰ চেষ্টা চলোৱাৰ অভিযোগত মহাক্ষৰ মাতৃ তথা মিঠুন চক্ৰৱৰ্তীৰ পত্নী এসময়ৰ অভিনেত্ৰী যোগিতা বালিকো আটক কৰে।
নিৰ্যাতিতাই মুম্বাইৰ অছিৱাৰা থানাত তৰা গোচৰৰ ভিত্তিতে আৰক্ষীয়ে দুয়ো গৰাকী ব্যক্তিকে আটক কৰি জেৰা অব্যাহত ৰাখিছে।
ধৰ্ষণৰ বলি হোৱা যুৱতী গৰাকীও এগৰাকী অভিনেত্ৰী বুলি জানিব পৰা গৈছে।
অভিযোগ অনুসৰি মিঠুন পুত্ৰই বিয়াৰ প্ৰলোভনেৰে যুৱতী গৰাকীক দীৰ্ঘদিন ধৰি যৌন শোষণ চলাই গৈছিল।
যুৱতী গৰাকীক বিয়া পতাৰ সলনি মিঠুন পুত্ৰই ২০১৮ চনৰ জুলাই মাহত অভিনেত্ৰী মাদালছা শৰ্মাকহে বিয়া পাতে।
ইয়াৰ পিছতে নিৰ্যাতিতা যুৱতী গৰাকীয়ে গোচৰ তৰে যদিও মহাক্ষই জামিন লাভ কৰিবলৈ সক্ষম হৈছিল।
শেহতীয়াকৈ ন্যায় বিচাৰি যুৱতী গৰাকীয়ে তৰা গোচৰৰ ভিত্তিত আৰক্ষীয়ে ভাৰতীয় দণ্ডবিধিৰ৭৬(২),৩২৮,৪১৭,৫০৬,৩১৩,৩৪ ধাৰাত গোচৰ ৰুজু কৰিছে।
মিঠুন চক্ৰৱৰ্তীৰ পত্নী যোগিতা বালিয়ে নিৰ্যাতিতা যুৱতী গৰাকীক বলপূৰ্বক গৰ্ভপাত কৰোৱাৰ অভিযোগ উঠিছে।
