Lal Thanhawla নতুন, উদ্যোগী নেতাৰ হাতত নেতৃত্ব এৰি শীঘ্ৰেই ৰাজনীতিৰ পৰা অৱসৰ গ্ৰহণ কৰাৰ কথা ঘোষণা কৰিছে মিজোৰামৰ প্ৰাক্তন মুখ্যমন্ত্ৰী তথা প্ৰদেশ কংগ্ৰেছৰ সভাপতি লাল থানহাৱালাই।
৮৩ বছৰীয়া প্ৰসিদ্ধ ৰাজনীতিকগৰাকীয়ে দেওবাৰে সাংবাদিকৰ আগত কয় যে তেওঁ ৰাজনীতিৰ পৰা অৱসৰ গ্ৰহণৰ সিদ্ধান্ত লৈছে আৰু অহা অহা ২০২৩চনত অনুষ্ঠিত হ’বলগীয়া বিধানসভাৰ নিৰ্বাচনত প্ৰতিদ্বন্দ্বিতা নকৰে।
শুকুৰবাৰে দলীয় কাৰ্যালয়ত তেওঁৰ আনুষ্ঠানিক বক্তৱ্যত কংগ্ৰেছ নেতাগৰাকীয়ে কয় শীঘ্ৰেই তেওঁৰ অৱসৰ গ্ৰহণৰ বিষয়ে ইংগিত দাঙি ধৰি পৰৱৰ্তী বিধাৱনসভাৰ নিৰ্বাচন নেখেলাৰ কথা সদৰী কৰিছিল।
মিজোৰামৰ প্ৰাক্তন মুখ্যমন্ত্ৰীগৰাকীয়ে কয় যে অধিক সক্ষম তথা উদ্যোগী নতুন যুৱ নেতাৰ বাবে বাট মুকলি কৰি দি তেওঁ মাত্ৰ বৰ্তমানৰ কাৰ্যকাল (২০১৯-২০২২) টো সমাপ্ত কৰিব।
পাঁচবাৰৰ প্ৰাক্তন মুখ্যমন্ত্ৰীগৰাকীয়ে নতুন নেতৃত্বৰ অধীনত কংগ্ৰেছ দলটোৰ উত্থান অব্যাহত থাকিব বুলি আশা প্ৰকাশ কৰে।
এক উচ্চস্তৰীয় সূত্ৰই জানিবলৈ দিয়া মতে বৰ্তমান প্ৰদেশ কংগ্ৰেছৰ উপ সভাপতি তথা প্ৰাক্তন বিত্তমন্ত্ৰী লালসাওতাই লাল থানহাৱালাৰ আইত দলৰ মুৰব্বী হিচাপে দায়িত্ব ল’ব।
লাল থানহাৱালাই ১৯৬০চনত মিজো নেশ্যনেল ফ্ৰন্টৰ নেতৃত্বৰ বিদ্ৰোহী সংগঠনত যোগ দিছিল আৰু ১৯৬৭ চনত কাৰাগাৰৰ পৰা মুকলি হৈ সক্ৰিয় ৰাজনীতিত প্ৰৱেশ কৰিছিল।
Also Read: T20 World Cup অষ্ট্ৰেলিয়াৰ বিশ্বজয়; ক্ৰিকেট অনুৰাগীৰ অন্তৰ জয় কৰিলে নিউজিলেণ্ডে
১৯৭৩চনত তেওঁ মিজোৰাম কংগ্ৰেছৰ সভাপতি নিৰ্বাচিত হৈ বৰ্তমানলৈকে কাৰ্যনিৰ্বাহ কৰি আছে।
তেওঁ ১৯৮৪চনৰ পৰা ২০১৮ চনৰ ভিতৰত পাঁচবাৰকৈ ৰাজ্যখনৰ মুখ্যমন্ত্ৰী হৈছিল।
