সংসদীয় গণতন্ত্ৰৰ মন্দিৰলৈ কাৰাৰুদ্ধ শিৱসাগৰৰ বিধায়ক অখিল গগৈৰ যাত্ৰা আৰম্ভ। বাছেৰে লৈ যোৱা হ’’ল বিধানসভাৰ শপত গ্ৰহণ অনুষ্ঠানলৈ।
“কণ্ঠ ৰোধ কৰাৰ চেষ্টা কৰা হৈছে। মোৰ কণ্ঠ কোনেও ৰুদ্ধ কৰিব নোৱাৰে, শিৱসাগৰবাসীৰ উন্নয়নৰ স্বাৰ্থত কাম কৰি যাম’’ অখিল গগৈয়ে এইদৰে কয়।
ইয়াৰোপৰি শিৱসাগৰবাসী ৰাইজৰ ওচৰত অখিল গগৈয়ে কৃতজ্ঞতা জ্ঞাপন কৰাৰ লগতে কা আন্দোলনৰ শ্বহীদ সকলকো শ্ৰদ্ধাঞ্জলি জনায় গগৈয়ে।
ইপিনে, আৰক্ষী প্ৰশাসনে কটকটীয়া নিৰাপত্তা ব্যষ্টনী গঢ়ি তোলে তথা সংবাদ মাধ্যমৰ মুখামুখী হ’বলৈ দিয়া নহ’ল অখিল গগৈক।
ইয়াৰ মাজতে সংবাদ মাধ্যমক উদ্দেশ্যি অখিল গগৈয়ে কয় যে মোক হত্যা কৰিব পাৰিব কিন্তু মোৰ কণ্ঠ কোনেও ৰুদ্ধ কৰিব নোৱাৰে।
বিধানসভাত সিংহৰ দৰে গৰজি উঠাৰ হুংকাৰ দি অখিল গগৈয়ে কয় যে এটা ঐতিহাসিক দিন যদিও আজি এটা ক’লা দিন।
অখিলে অভিযোগ কৰে যে চোৰ-ডকাইতৰ দৰে গোটেই পথ তেওঁক টনা-আজোৰা কৰি আনিছে। এজন জনপ্ৰতিনিধিক এনে ব্যৱহাৰ, গণতন্ত্ৰৰ নামত এয়া কি বুলি প্ৰশ্ন কৰে বিধায়ক অখিল গগৈয়ে।