কংগ্ৰেছী বিধায়ক শ্বেৰমান আলী আহমেদে এআইইউডিএফ দলত যোগদান কৰোটো প্ৰায় নিশ্চিত হৈছে৷ আজি তাৰেই স্পষ্ট প্ৰমাণ পোৱা গ’ল বৰপেটা চহৰত৷
এআইইউডিএফৰ হাইকমাণ্ডৰ নিৰ্দেশ মৰ্মে এআইইউডি এফৰ বৰপেটা জিলা সমিতিয়ে বাঘবৰৰ বিধায়ক শ্বেৰমান আলী আহমেদক আজি বৰপেটা আবৰ্ত ভৱনত বিশেষ ভাৱে আদৰণি জনায়৷
জানিব পৰা মতে অহা ২৪ ডিচেম্বৰত এআইইউডিএফৰ মুৰব্বী বদৰুদ্দিন আজমলৰ সৈতে আলোচনা কৰি দলত যোগদান কৰাৰ তাৰিখ নিৰ্ধাৰণ কৰিব শ্বেৰমান আলীয়ে৷
সূত্ৰ অনুসৰি ডিচেম্বৰৰ বিধানসভাৰ অধিৱেশনৰ পিছতেই শ্বেৰমান আলী আহমেদে বিধায়ক পদ ত্যাগ কৰিব৷ তদুপৰি সমাগত মাৰ্চ মাহত হ’বলগীয়া উপ নিৰ্বাচনত শ্বেৰমান আলী আহমেদে বাঘবৰ সমষ্টিৰ পৰা এআইইউডিএফ দলৰ প্ৰাৰ্থী হিচাপে নিৰ্বাচনত প্ৰতিদ্বন্দ্বিতা আগবঢ়োৱাৰ সম্ভাৱনা আছে৷
আনহাতে ২০২৪ বৰ্ষত অনুষ্ঠিত হব লগীয়া লোকসভা নিৰ্বাচনত বৰপেটা লোকসভা সমষ্টিত শ্বেৰমান আলী আহমেদ এআইইউডিএফ দলৰ প্ৰাৰ্থী হিচাপে নিশ্চিত হোৱা বুলি জানিব পৰা গৈছে৷
পূৰ্বৰ নেতা শ্বেৰমান আলী আহমেদে পুনৰ এআইইউডিএফ দলত পুনৰ যোগদান কৰিব বুলি ওলোৱা খবৰে উৎফুল্লিত কৰিছে দলৰ নেতা কৰ্মী আৰু সমৰ্থকসকলক।