ধৰ্মৰ ওপৰত ভিত্তি কৰি তুষ্টিকৰণৰ ৰাজনীতিৰ অভিযোগ উত্থাপন কৰি কংগ্ৰেছক তীব্ৰ সমালোচনা কৰিছে প্ৰধানমন্ত্ৰী নৰেন্দ্ৰ মোদীয়ে।
বুধবাৰে দিল্লীত অনুষ্ঠিত নিৰ্বাচনী প্ৰচাৰ সভাত ভাষণ দি তেওঁ জামিয়া মিলিয়া ইছলামিয়া বিশ্ববিদ্যালয়ক কংগ্ৰেছে সাম্প্ৰদায়িক শিক্ষানুষ্ঠান হিচাপে প্ৰতিষ্ঠান কৰিবলৈ চেষ্টা কৰিছে বুলি অভিযোগ উত্থাপন কৰে।
মোদীয়ে অভিযোগ কৰে যে কংগ্ৰেছে ভোট লাভৰ বাবে ইমানেই হাহাকাৰ কৰিছে যে জামিয়া মিলিয়া ইছলামিয়াক সংখ্যালঘু প্ৰতিষ্ঠান হিচাপে ঘোষণা কৰিছে।
বুধবাৰে পশ্চিম দিল্লীৰ দ্বাৰকাত অনুষ্ঠিত ৰাজহুৱা সভাত মোদীয়ে কয় যে দিল্লীৰ জামিয়া মিলিয়া ইছলামিয়া বিশ্ববিদ্যালয়ৰ বিষয়ে সমগ্ৰ দেশেই জানে। ৬০ বছৰ ধৰি এই বিশ্ববিদ্যালয়খন আন বিশ্ববিদ্যালয়ৰ দৰে সাধাৰণ শিক্ষানুষ্ঠান হিচাপে চলি আছে। ইয়াতো দলিত, পিছপৰা শ্ৰেণী, আদিবাসীয়ে সংৰক্ষণ লাভ কৰে। কিন্তু ২০১৪ চনৰ নিৰ্বাচনত জয়ী হ’বলৈ মনমোহন সিঙৰ চৰকাৰে মনে মনে এটা কৌশল ৰচনা কৰে। হঠাৎ তেওঁলোকে জামিয়া মিলিয়া ইছলামিয়া বিশ্ববিদ্যালয় সংখ্যালঘু শিক্ষানুষ্ঠান হিচাপে ঘোষণা কৰে।
Jamia Milia Ismailia?
Modi should fire Mittar Sinha and learn English from Rajdeep Sardesai. 😭 pic.twitter.com/eMV1K0jhjN— ηᎥ†Ꭵղ (@nkk_123) May 22, 2024
প্ৰধানমন্ত্ৰীৰ মতে, জামিয়া মিলিয়া ইছলামিয়া বিশ্ববিদ্যালয়ত মুছলমানসকলৰ বাবে ৫০ শতাংশ সংৰক্ষণ কৰা হৈছে। কিন্তু আগতে অৰ্থাৎ ২০১১ চনৰ আগতে অনুসূচিত জাতি, অনুসূচিত জনজাতি আৰু অ’বিচিয়েও এই বিশ্ববিদ্যালয়ত নামভৰ্তিৰ ক্ষেত্ৰত সংৰক্ষণ লাভ কৰিছিল। তদানীন্তন কংগ্ৰেছ চৰকাৰৰ বাবেই শিক্ষানুষ্ঠানৰ দৰে ঠাইত ধৰ্মৰ ভিত্তিত বাধাৰ সৃষ্টি হোৱা বুলি অভিযোগ উত্থাপন কৰে মোদীয়ে।