দেশৰ ৭৭ সংখ্য স্বাধীনতা দিৱস পালনৰ দিনাই মোদীক দুখ লগাকৈ উপেক্ষা কৰিলে দেশবাসীয়ে। এই উপেক্ষাৰে দেশবাসীয়ে যেন ২০২৪ৰ অশনিৰ সংকেত প্ৰদান কৰিলে মোদীলৈ।
মংগলবাৰে সমগ্ৰ দেশতে ৭৭ সংখ্যক স্বাধীনতা দিৱস উদযাপন কৰা হয়। স্বাধীনতাৰ ৭৫ বছৰৰ উপলক্ষে মোদী চৰকাৰে আৰম্ভ আজাদী কা অমৃত মহোৎসৱ এতিয়াও ৰাখিছে অব্যাহত। জনতাক মোহাচ্ছন্ন কৰি ৰাখিবলৈ এই মহোৎসৱত হিচাপে এইবাৰ অন্তৰ্ভুক্ত কৰা হৈছিল কেতবোৰ কাৰ্যসুচী। পালন কৰা হৈছে মেৰা দেশ মেৰা মাটিৰ দৰে অভিযান।
ইয়াৰ সমান্তৰালভাৱে প্ৰধানমন্ত্ৰী মোদীয়ে দেশবাসীক আহ্বান জনাইছিল পূৰ্বৰ দৰেই হৰ ঘৰ ত্ৰিৰংগা কাৰ্যসূচীৰ অধীনত জাতীয় পতাকাৰ সৈতে চেল্ফী উঠি চৰকাৰী ৱেবচাইটত আপলোড কৰাৰ। লগতে মেৰা দেশ মেৰা মাটিৰ কাৰ্যসূচীতো হাতত মাটি লৈ চেল্ফী উঠি আপলোড কৰিবলৈ আহ্বান জনাইছিল দেশবাসীক। ইয়াৰ লগতে দেশবাসীৰ সকলোকে সামাজিক মাধ্যমৰ চাইটৰ হেণ্ডলত প্ৰফাইল পিকচাৰত জাতীয় পতাকা লগাবলৈ আহ্বান জনাইছিল।
কিন্তু, দেশবাসীয়ে নুশুনিলে মোদীৰ কথা। প্ৰায়সকল ইউজাৰে সলনি নকৰিলে প্ৰফাইল পিকচাৰ। ত্ৰিৰংগাৰ সৈতে চেল্ফী তুলিও আপলোড নকৰিলে ফ’টো। হাতত মাটি লৈও ‘মেৰা দেশ মেৰা মাটি’ৰ চেল্ফী অভিযানত অংশ গ্ৰহণ নকৰিলে অধিকাংশ জনতাই।
পূৰ্বে প্ৰধানমন্ত্ৰী মোদীয়ে এনে আহ্বান দিলে একাংশ জনতাৰ মাজত উছাহৰ ধল বৈছিল। সামাজিক মাধ্যমৰ বিভিন্ন চাইটৰ ইউজাৰসকলে চেল্ফী লৈ ফটো শ্বেয়াৰ কৰিছিল। লগতে চৰকাৰী ৱেচাইটত চেল্ফী অপলোড কৰি লাভ কৰা ডিজিটেল চাৰ্টিফিকেটখনকো সগৌৰৱেৰে শ্বেয়াৰ কৰা দেখা গৈছিল।
কিন্তু এইবাৰ চৰকাৰী বিষয়া-কৰ্মচাৰীয়ে বাধ্য পৰি কৰাৰ বাহিৰে সাধাৰণ জনতাৰ মাজত পূৰ্বৰ দৰে দেখা নগল কোনো উছাহ। সম্পূৰ্ণৰূপে স্বাধীনতাৰ মোদীৰ আহ্বানক নেওচা দিলে দেশৰ জনতাই। মেৰা মাটি মেৰা দেশৰ আহ্বান আৰু হৰ ঘৰ ত্ৰিৰংগা আহ্বানক উপেক্ষা কৰিলে দেশৰ সাধাৰণ জনতাই। বৰং ডঃ হিমন্ত বিশ্ব শৰ্মা, যোগী আদিত্যনাথ, শিৱৰাজ সিং চৌহান আদি বিজেপি শাসিত ৰাজ্যৰ মুখ্যমন্ত্ৰীসকলে টুইটাৰত নিজৰ ফটো সলনি ত্ৰিৰংগা লগাই টুইটাৰৰ ব্লু টিকহে হেৰুওৱালে।
