বিধানসভা নিৰ্বাচন উপলক্ষে কেইবাখনো ৰাজ্যৰ ক’ভিড-১৯ ভেকচিন চাৰ্টিফিকেটৰ পৰা প্ৰধানমন্ত্ৰী নৰেন্দ্ৰ মোডীৰ ফটোগ্ৰাফখন আঁতৰোৱা হৈছে।
মডেল ক’ড অৱ কণ্ডাক্ট (এম.চি.চি.)ৰহ নীতি অনুসৰি আৰু বিভিন্ন ৰাজনৈতিক দলৰ আপত্তিৰ বাবে নিৰ্বাচনী আয়োগে এই সিদ্ধান্ত গ্ৰহণ কৰিছে।
সেই অনুসৰি পশ্চিমবংগ, অসম, তামিল নাডু, কেৰালা আৰু পণ্ডিচেৰীৰ ক’ভিড-১৯ ভেকচিন চাৰ্টিফিকেটত মোডীৰ ফটো নাথাকিব।
নিৰ্বাচনী আয়োগে ৬ মাৰ্চৰ দিনা চৰকাৰক এই আদেশ দিছিল।
৯ মাৰ্চৰ দিনা কেন্দ্ৰীয় স্বাস্থ্য মন্ত্ৰালয়ে নিৰ্বাচনী আয়োগক নিশ্চিতি প্ৰদান কৰিছিল যে উক্ত ৰাজ্যসমূহত মোদীৰ ফটো আঁতৰোৱা হ’ব।
ইয়াৰ পূৰ্বে, তৃণমূল কংগ্ৰেছে অভিযোগ কৰিছিল যে প্ৰধানমন্ত্ৰীয়ে ডক্তৰ, নাৰ্চ আৰু অন্যান্য পেৰামেডিকেল কৰ্মীসকলৰ পৰা কভিড-১৯ নিৰ্মূলৰ কৃতিত্ব কাঢ়ি আনি নিজৰ ক্ষমতা প্ৰয়োগ কৰিছে।
তদুপৰি তৃণমূল কংগ্ৰেছে নিৰ্বাচনী আয়োগক এই বিষয়ে অভিযোগনামাও দাখিল কৰিছিল।
উল্লেখযোগ্য যে ক’-ৱিন নামৰ চাৰ্টিফিকেটখনত প্ৰধানমন্ত্ৰীৰ ফটোৰ স’তে উৰ্ধকমাৰ ভিতৰত তেওঁৰ উক্তিও সংলগ্ন কৰা হৈছিল।
উক্তিটোত কোৱা হৈছে- ”সকলো লগ হৈ, ভাৰতে ক’ভিড-১৯ক পৰাস্ত কৰিব।”