মহিলা সবলীকৰণৰ সজাগতাৰ উদ্দেশ্যে চাইকেল ৰেলী: অংশ ল’লে দেশৰ ১৪০ গৰাকীতকৈও অধিক মহিলাই

মহিলা সবলীকৰণৰ দৰে গুৰুত্বপূৰ্ণ বিষয়ৰ সজাগতাৰ উদ্দেশ্যে আজি জম্মু-কাশ্মীৰৰ বাৰামুলাৰ পৰা সীমান্তৰ নিয়ন্ত্ৰণ ৰেখাৰ কামন আমান সেতুলৈ এক চাইকেল ৰেলী আয়োজন কৰে ভাৰতীয় সেনাই।

মূলত: কাশ্মীৰ উপত্যকাৰ মহিলাৰ সলীকৰণৰ প্ৰচাৰৰ বাবে গ্ৰহণ কৰা এই কাৰ্যসূচীত দেশৰ বিভিন্ন প্ৰান্তৰ ১৪০ গৰাকীতকৈও অধিক মহিলা চাইকেল আৰোহীয়ে অংশগ্ৰহণ কৰে।

বাৰামুলাৰ শওকত আলী ষ্টেডিয়ামৰ পৰা যাত্ৰা আৰম্ভ কৰি সমদলটোৱে ৬৫ কিলোমিটাৰ অতিক্ৰম কৰে উৰিৰ কামন পোষ্টত যাত্ৰাৰ সামৰণি মাৰে।

কাশ্মীৰৰ বিভিন্ন বিদ্যালয় আৰু ক্লাবৰ পৰা ভালেসংখ্যক মহিলা চাইকেল আৰোহীয়েও সমদলটোত অংশগ্ৰহণ কৰি কাৰ্যসূচীৰ লক্ষ্য পূৰণত সহযোগিতা আগবঢ়ায়।

Women cycle rally organized by @adgpi in J&K’s Baramulla. India Today’s Ashraf Wani shares more details in this report#IndianArmy #WomenEmpowerment #ReporterDiary (@ashraf_wani) pic.twitter.com/dGbVpx7rHe

— IndiaToday (@IndiaToday) September 11, 2022

স্থানীয় ডেগাৰ ডিভিজনৰ জেনেৰেল অফিচাৰ কমাণ্ডাৰ অজয় চানপুৰিয়াই এই বিশেষ কাৰ্যসূচী সন্দৰ্ভত উল্লেখ কৰা মতে কাশ্মীৰৰ মহিলাসকলে ভাৰতীয় সেনাক কেৱল মহিলাসকলৰ বাবে এক চাইকেল ৰেলী অনুষ্ঠিত কৰিবলৈ অনুৰোধ জনাইছিল।

এই অনুৰোধ ৰক্ষা কৰিয়ে ভাৰতীয় সেনাই এই চাইকেল ৰেলী কাৰ্যসূচীৰ আয়োজন কৰে বুলি তেওঁ লগতে কয়।

উল্লেখ্য যে কাশ্মীৰত এয়া মহিলাসকলৰ দ্বাৰা দ্বিতীয়টো চাইকেল ৰেলী। ভাৰতীয় স্বাধীনতাৰ ৭৫ তম বৰ্ষপূৰ্তি উদযাপনৰ বাবে ভাৰতীয় সেনাই ‘আজাদী কা অমৃত মহোৎসৱ’ৰ অধীনত এক বৃহৎ সমদলৰ আয়োজন কৰিছিল।