যিসময়ত আফগানিস্তানত তালিবানে মহিলাক শিক্ষা গ্ৰহণৰ পৰাও বঞ্চিত কৰাৰ বাবে উঠিপৰি লাগিছে, তেনে সময়তে ২৫০ তকৈও অধিক চৌদি মহিলাই নিৰাপত্তা বাহিনীৰ বিশেষ প্ৰশিক্ষণ সম্পূৰ্ণ কৰিছে।
চৌদি প্ৰেছ এজেন্সিৰ মতে, মহিলাসকলে চৌদি সশস্ত্ৰ বাহিনীৰ পৰা “কূটনৈতিক আৰু হজ আৰু উমৰাহ”ৰ বিশেষ প্ৰশিক্ষণ লাভ কৰিছে। এনে প্ৰশিক্ষণ লোৱা এই মহিলাসকল হৈছে চতুৰ্থটো দল।
উল্লেখ্য যে ২০১৯ চনত চৌদি আৰবে মহিলাসকলক সশস্ত্ৰ বাহিনীত কাম কৰাৰ সুযোগ দিয়াৰ সিদ্ধান্ত লৈছিল। এতিয়া পুৰুষ আৰু মহিলা উভয়ে প্ৰতিৰক্ষা বাহিনীৰ সমন্বিত ভৰ্তি পৰ্টেলত আবেদন কৰিব পাৰে।
📹 | تحت رعاية الأمير عبدالعزيز بن سعود.. تخريج الدورة التأهيلية للفرد الأساسي للمجندات الدفعة الرابعة بمعهد التدريب النسوي pic.twitter.com/RIGStnTCVE
— الأمن العام (@security_gov) January 11, 2023
চৌদিৰ প্ৰতিৰক্ষা মন্ত্ৰালয়ৰ সূত্ৰ অনুসৰি, চৌদি মহিলাসকলে সেনা, বায়ু সেনা, নৌসেনা, ৰয়েল চৌদি ষ্ট্ৰেটেজিক মিছাইল ফ’ৰ্চ আৰু সশস্ত্ৰ বাহিনী চিকিৎসা সেৱাত যোগদান কৰিব পাৰে।
সেইদৰে, একে সময়তে তেওঁলোকে সেনা, লেন্স কৰ্পোৰেল, চাৰ্জেন্ট আৰু ষ্টাফ চাৰ্জেন্ট হিচাপেও যোগদান কৰিব পাৰে।