মঙলবাৰে নিশা মৰিগাঁৱৰ এটা পাহাৰত সংঘটিত হয় ভয়নংকৰ বনজুইৰ ঘটনা। এই বনজুয়ে স্থানীয় লোকৰ মাজত আতংকৰ সৃষ্টি কৰে।
জনসাধাৰণ আৰু অগ্নিনিৰ্বাপক বাহিনীয়ে কেইবা ঘণ্টা ধৰি চলোৱা প্ৰচেষ্টাৰ অন্তত জুই নিৰ্বাপিত হয়। ফলত অঞ্চলটোৰ জনসাধাৰণ আৰু বন্যপ্ৰাণী উভয়েই সাম্ভাৱ্য ক্ষতিৰ পৰা ৰক্ষা পৰে।
স্থানীয় লোকে জনোৱা মতে, প্ৰথমে নিশা প্ৰায় ৭ বজাত এই অগ্নিকাণ্ড দেখা গৈছিল। প্ৰচণ্ড বতাহৰ ফলত এই জুই দ্ৰুতগতিত এক বিশাল অঞ্চলত বিয়পি পৰে।
সমান্তৰালভাৱে নিজাববীয়াকৈ জুই নিয়ন্ত্ৰণৰ চেষ্টা চলাই থকা স্থানীয় লোকসকলে মৰিগাঁও অগ্নিনিৰ্বাপক বাহিনীক খবৰ দিয়ে।
ঘটনাস্থলীলৈ একাধিক অগ্নিনিৰ্বাপক বাহিনীৰ গাড়ী প্ৰেৰণ কৰা হয় আৰু অগ্নিনিৰ্বাপক বাহিনী আৰু জনসাধাৰণৰ সমন্বিত প্ৰচেষ্টাত জুই নিৰ্বাপিত কৰা হয়।
এই অগ্নিকাণ্ডৰ কাৰণ এতিয়াও জানিব পৰা হোৱা নাই যদিও ভৱিষ্যতে এনেধৰণৰ ঘটনা ৰোধ কৰিবলৈ বাসিন্দাসকলক সজাগ হৈ থাকিবলৈ কৰ্তৃপক্ষই আহ্বান জনাইছে।
