সোমবাৰে হোটেল লিলিত এক সংবাদমেল সম্বোধন কৰে ৰাজ্যসভাৰ সাংসদ অজিত কুমাৰ ভূঞাই। সংবাদমেলত ভূঞাই কয় যে খোজে প্ৰতি হিমন্ত বিশ্ব শৰ্মা চৰকাৰে মিছা কথা আৰু মিছা প্ৰতিশ্রুতি দি ।
৬ মাহত হিমন্ত বিশ্বৰ চৰকাৰে কেতবোৰ ভয়ংকৰ সিদ্ধান্ত গ্ৰহণ কৰিছে বুলি মন্তব কৰি সাংসদ ভূঞাই চৰকাৰ খনক ঠগবাজৰ চৰকাৰ আখ্যা দিয়ে।
চৰকাৰখনৰ হনিমুন পিৰিয়ড শেষ হৈছে বুলি উল্লেখ কৰি ভূঞাই কয়— ‘এতিয়া আমি কামৰ খতিয়ান লোৱাৰ সময় হ’ল’।
চৰকাৰখন বৰ্তমান প্ৰতিশ্ৰুতি আৰু প্ৰচাৰৰ ওপৰত নিৰ্ভৰশীল হৈ আছে।APSC পৰীক্ষাৰ পৰা অসমীয়া ভাষা প্ৰত্যাহাৰ কৰা কাৰ্যকো সমালোচনা কৰে সাংসদ গৰাকীয়ে।
এই প্ৰসংগত সাংসদগৰাকীয়ে কয়—’চৰকাৰে বিষয়টো ৰহস্যৰ মাজলৈ ঠেলি দিছে, এয়া গৰিহণাৰ যোগ্য।ইয়াৰ বিৰুদ্ধে সকলোৱে ওলাই অহা উচিত’।
জনজাতিৰ বেল্ট ব্লকৰ ভূমিৰ অকৰ্তৃত্বশীল ভাৱে হস্তান্তৰৰ সিন্ধান্ত চৰকাৰে লৈছে।ইয়াৰ দ্বাৰা ভূমিপুত্ৰ সকলৰ থকা ভূমি অধিকাৰ কাঢ়ি নিব বিচাৰিছে বুলিও ভূঞাই কয়।
ভূঞাই কয়—’মিট্টালৰ দৰে বনিয়াৰ স্বাৰ্থ এইবোৰ সিদ্ধান্ত চৰকাৰে লৈছে।গো সুৰক্ষা আইনে গ্ৰাম্য অৰ্থনীতি একেবাৰে তচনচ কৰিব।
মুখ্যমন্ত্ৰীয়ে নাগপুৰ আৰু দিল্লীৰ প্ৰভূসকলৰ সন্তুষ্ট কৰিবলৈ এটাৰ পাছত এটাকৈ জনবিৰোধী সিদ্ধান্ত গ্ৰহণ কৰি গৈছে।
অসমৰ চাৰিওফালে বিশ্ববিদ্যালয়ৰ ঘোষণা কৰি আছে চৰকাৰে।কিন্তু যিকেইখন পূৰ্বৰ পৰায়ে আছে সেইকেইখন বিশ্ববিদ্যালয়ৰে আন্তঃগাঁঠনি অতি বেয়া।এই বিশ্ববিদ্যালয়সমূহৰ আন্তঃগাঁঠনি সৱল নকৰাকৈ নতুন বিশ্ববিদ্যালয় ঘোষণা কৰাটো শুভ লক্ষণ নহয়’।
চৰকাৰৰে বিভিন্ন ঋণ লৈ হিতাধিকাৰী সৃষ্টি কৰিব বিচাৰিছে বুলি উল্লেখ্য ভূঞাই কয় যে উৎপাদনশীলতাৰ বিপৰীতে কেৱল হিতাধিকাৰীৰ সৃষ্টিৰ বাবে অসমৰ ৰাইজক ঋণৰ বোজা জাপি দিছে।
ৰাজ্যৰ বাবে ঋণ লোৱা চৰকাৰ খনে মাইক্ৰফাইনেঞ্চৰ ঋণ মাফ কৰাৰ আঁচনি লৈছে ।ৰাইজক মূৰ্খ বুলি নাভাবি, বাস্তৱসন্মত পদক্ষেপ গ্ৰহণ কৰক চৰকাৰক—সাংসদ ভূঞাই কয়।
কৃষি আইন বাতিল সন্দৰ্ভত প্ৰতিক্ৰিয়া ব্যক্ত কৰি অজিত কুমাৰ ভূঞাই কয়—’ৰাজনৈতিক পৃষ্ঠপোষকতাত অসমীয়া-বঙালীৰ মাজত এই বিভেদ সৃষ্টি কৰা হৈছে’।
বৰাকৰ কথা বাদ দিয়ক গুৱাহাটীতে অসমীয়া ভাষাত বেনাৰ-হৰ্ডিং নিলিখে।অসম সাহিত্য সভাই ভাষা ক্ষাৰ ক্ষেত্ৰত কি কৰিছে বুলিও প্ৰশ্ন কৰে সাংসদ অজিত কুমাৰ ভূঞাই।
ভূঞাই কয় যে কেৱল ভাষা ৰক্ষাৰ নামত অনুষ্ঠান পাতি থাকিলেই নহ’ব।
অহা লোকপিয়লত ভাষাক লৈ এটা ষড়যন্ত্ৰ আৰম্ভ হ’ব বুলি আশংকা ব্যক্ত কৰি ভূঞাই লগতে মন্তব্য কৰে যে ভাষাক লৈ ৰাজনীতি সদায় চলিয়ে আছে।
